ԱՄՆ զինված ուժերը հարձակումից 2 ժամ առաջ արդեն տեղյակ էին Իրանի օդային հարվածի մասին

ԱՄՆ զորքերին նախազգուշացրել են դեպքից երկու ժամ առաջ իրանական կողմի մոտալուտ հարձակման մասին. նրանք թաքնվել են բունկերներում, հայտնում է CNN-ը:

Աին ալ-Ասադի ռազմական ավիաբազաները տեղեկացրել են մոտալուտ հարձակման մասին: Ինչպես պարզել է հեռուստաալիքը, զինծառայողների մեծ մասն անմիջապես փախել է հենակետից, իսկ մյուսները հարվածների մեկնարկից մի քանի ժամ առաջ ապաստան են գտել բունկերներում:

«Ամերիկյան զորքերը գիտեին, որ իրենց հենակետը գրոհելու են: Բայց նրանք չգիտեին, թե դա ինչ հարձակում է լինելու»,- հայտնում է հեռուստաալիքը:

Սպաները «հրաշք» են համարում, որ պայթյունի հետևանքով ոչ ոք չի տուժել: Որոշ հրթիռներ բունկերներից ընդամենը մի քանի մետր են հեռու ընկել: Ըստ նրանց, իրանական ավիահարվածները տևել են մոտ երկու ժամ և թիրախավորել են միայն ավիաբազայի ամերիկյան տարածքները:

Արաբական դիվանագիտական աղբյուրը CNN- ին հայտնել է, որ Իրաքը նախազգուշացրել էր ԱՄՆ-ին, թե «որ հենակետերն են հարվածի տակ լինելու»: