Մեծ Բրիտանիայում Իրանի դեսպանին վրդովվեցրել է The Times թերթի հրապարակումը

Մեծ Բրիտանիայում Իրանի դեսպան Համիդ Բեյդինեժադին վրդովվեցրել է The Times թերթի հրապարակումն այն մասին, թե, իբր, Իրանը սպառնացել է սպանել բրիտանացի զինծառայողներին, հաղորդում է Mehr-ը:

«Որպես Միացյալ Թագավորությունում իմ երկրի դեսպան եւ գերագույն ներկայացուցիչ՝ ես խստորեն դատապարտում եմ #Times-ի կեղծ եւ սադրիչ նորությունը: Ես կխնդրեմ Մեծ Բրիտանիայի իշխանություններին օպերատիվ միջոցներ ձեռնարկել՝ դադարեցնելու ցանկացած կեղծ քարոզչություն»,- գրել է նա Twitter-ում: