Կատալոնիայի եւ Իսպանիայի հարաբերությունները լարվում են

Կատալոնիայի կառավարության ղեկավար Կառլես Պուչդեմոնը
մերժել է Իսպանիայի կառավարության հրավերը՝ քննարկելու տարածաշրջանի անկախության հանրաքվե անցկացնելու իր առաջարկը:

Ավելի վաղ հաղորդվել էր, որ Իսպանիայի կառավարությունը կոչ է արել Պուչդեմոնին՝ երկրի խորհրդարանում քննարկել տարածաշրջանի անկախության հանրաքվեի հարցը: Իսպանիայի վարչապետի տեղակալ Սորայա Սաենս դե Սանտամարիան հայտարարել է, որ Պուչդեմոնի առաջարկությունը անհրաժեշտ է քննարկել, քան որ այս հարցը վերաբերում է ազգային ինքնիշխանությանը:

Պուչդեմոնը հայտարարել էր, որ Իսպանիայի եւ Կատալոնիայի կառավարությունները սկզբում պետք է քննարկեն հանրաքվեի պայմանները եւ ապա գան համաձայնության: Այս հարցի շուրջ համաձայնության դեպքում այն կարելի է հանձնել երկու կառավարությունների ուսումնասիրմանը: Պուչդեմոնի կարծիքով՝ դե Սանտամարիայի հրավերը նշանակում է, որ Իսպանիայի կառավարությունը ընդունում է հանրաքվե անցկացնելու հնարավորությունը:

Ավելի վաղ հայտնի էր դարձել, որ հաջորդ երկուշաբթի Մադրիդի քաղաքապետարանի գրասենյակում Պուչդեմոնը կհայտարարի Իսպանիայից Կատալոնիայի անկախացման հանրաքվեի օրը: Ենթադրվում է, որ հանրաքվեն տեղի կունենա հոկտեմբերի 1-ին:

Կատալոնիայի իշխանությունները, ինչպես նաեւ հասարակական կազմակերպությունները գտնում են, որ ավտոնոմ միությունը պետք է դառնա Իսպանիայից անկախ պետություն, եւ այդ ուղղությամբ քայլեր են ձեռնարկում, որոնք Իսպանիայի իշխանությունները եւ Սահմանադրական դատարանը անօրինական են համարում:

Ենթադրվում է, որ ամռանը Կատալոնիայի իշխանությունները կընդունեն այսպես կոչված «օրենսդրական անցման» օրենքը, որը կոչված է փոխարինելու իսպանական օրենսդրությունը նոր՝ կատալոնականով:

Top-News.am