Պինգվիններն Անտարկտիդայի փոքր կղզիներից մեկն իսկական «մանկապարտեզի» են վերածել (տեսանյութ)
Գենտու տեսակի պինգվիններն Անտարկտիդայի փոքր կղզիներից մեկն իսկական «մանկապարտեզի» են վերածել: Մի կտոր ցամաքի վրա գրեթե 4000 պինգին կա, և առաջիկա ամիսներին սպասվում է նրանց թվաքանակի ավելացում, հայտնում է BBC Earth-ը:
Անտարկտիդայում ներկայում ամառ է, ուստի այս ընթացքում պինգվինները պետք է հասցնեն իրենց համար զուգընկեր գտնել և սերունդ տալ: Այս կղզյակը համապատասխանում է չթռչող թռչունների կարիքներին, այդ պատճառով էլ այն սիրվել է նրանց կողմից:
Ամեն տարի այս սեզոնին հարյուրավոր զբոսաշրջիկներ են ժամանում այս կղզի՝ կենդանիներին տեսնելու և այստեղ հատուկ բացված փոստային բաժանմունքից բացիկ ուղարկելու նպատակով:
Նշվում է, որ էգ պինգվինները սեզոնի ընթացքում միայն մի ձու են դնում, որի վրա հետո որպես զուգընկեր ընտրված որձի հետ թուխս են նստում:
Էգ պինգվինների մեծ մասը հիմնականում ամբողջ կյանքի համար միայն մի որձ է ընտրում: Պինգվինների «բաժանումների» քանակը չի գերազանցում 10-15 տոկոսը:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին