Ալիևի դուստրերը մալթիական բանկից մոտ 15 մլն եվրո են փոխանցել Դուբայում գործող ընկերությանը

Ադրբեջանի նախագահ Իլհամ Ալիևի դստրերը 2015-2016 թթ. մալթիական Pilatus բանկից, որն այժմ փակ է, 14.9 մլն եվրո են փոխանցել Դուբայում գործող Palma Consulting DMCC ընկերությանը:

Ինչպես հայտնում է Malta Today-ը, Արզու և Լեյլա Ալիևաները փոխանցումները կատարել են 3 տարբեր գործարքների միջոցով 2015-ի սեպտեմբերից մինչև 2016-ի մարտն ընկած ժամանակահատվածում: Փոխանցումներն արվել են մալթիական բանկում բացված Sahra FZCO ընկերության հաշվեհամարից:

Sahra FZCO ընկերությունը, որը համատեղ պատկանում է Ալիևա քույրերին, գործում է Արաբական Միացյալ Էմիրություններում և ստեղծվել է սեփականատերերի ակտիվները պահելու համար:

Նշվում է, որ փոխանցումների վերաբերյալ մանրամասներն ի հայտ են եկել լրագրող Դաֆնե Կարուանա Գալիսիայի լրագրողական հետաքննության արդյունքում: Վերջինս պարզել է նաև, որ Al Sahra FZCO ընկերության՝ Pilatus բանկի հաշվեհամարից 1 մլն դոլար է փոխանցվել պանամական Egrant Inc օֆշորային ընկերությանը:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»