Երբ դատավարությունը երկար է տեւում, մարդիկ անտարբեր են դառնում, դա չի կարելի թույլ տալ. Աղվան Վարդանյան
Ընթանում է Ռոբերտ Քոչարյանի դատավարությունը եւ նրա փաստաբանական խումբն իր գործը կատարում է, բայց երբ որեւէ գործընթաց երկար է տեւում, դառնում է սովորական, մարդիկ համակերպվում են, անտարբեր են դառնում, մոռացվում է բուն խնդրի էությունը. Սա չի կարելի թույլ տալ: Այս մասին, այսօր՝ դեկտեմբերի 18-ին, լրագրողների հետ հանդիպման ժամանակ նշեց Ռոբերտ Քոչարյանի ազատության հանձնախմբի համակարգող Աղվան Վարդանյանը:
Նրա խոսքով, ակնհայտ է, որ երկրորդ նախագահին կալանքի տակ պահելը ոչ մեկին պատիվ չի բերում. «Սա նաեւ մեր պետության ամոթն է: Սրան գումարած նաեւ անհեթեթ մեղադրանքները՝ ներկայացված երրորդ նախագահին (Սերժ Սարգսյանին-խմբ):
Քիչ թե շատ մտածող քաղաքացին պետք է ինքն իրեն հարց տա՝ ինչի՞ համար է սա արվում, ինչ է սա տալիս պետությանն ու հասարակությանը: Մեր խնդիրն է մտածել տալ այս հարցերի մասին: Մտածող մարդկանց նաեւ ուղղորդել, որ դիրքորոշում ու կեցվածք ունենան, քաղաքացիական պահվածք ունենան»,-ասաց նա:
Աղվան Վարդանյանը նկատեց, որ Քոչարյանն իր գործունեության ընթացքում ուղղակիորեն աշխատել է հարյուրավոր մարդկանց հետ՝ պաշտոնյաներ, նախարարներ, պատգամավորներ, որոնք գիտեն այդ մարդու կյանքը, կերպարը, գործը. «Մեր խնդիրն է այդ մարդկանց մղել դիրքորոշման: Հազարավոր մարդիկ երկրում դրական տեղաշարժեր են զգացել տնտեսական ոլորտում Քոչարյանի իշխանության տարիներին: Արդար չէ, որ այդ մարդիկ այսօր հաճախ լռում են: Ավելին, հարյուր հազարավոր մարդիկ Հայաստանում եւ Արցախում ականատես են եղել արժանապատիվ արտաքին քաղաքականությանը եւ այդ ոլորտում ձեռքբերումներին:
Մեր խնդիրն է լինելու աշխատել տեղական եւ միջազգային իրավապաշտպան կառույցների հետ, հատկապես երիտասարդության հետ, որովհետեւ այս պետությունը երիտասարդությանն է, բայց այդ պետությունը չի կարող սկսվել 2018 թվականից: Մենք նաեւ հույս ունենք, որ իշխանությունը կգիտակցի այս քաղաքական կալածանքի անհեռանկարայնությունը եւ կփորձի ինքն իրեն դուրս բերել այս վիճակից»,-իր խոսքն ամփոփեց Աղվան Վարդանյանը:
Հայկական ֆուտբոլում հասունանում է իրավական նոր սկանդալ
Մոսկվան ենթարկվել է վերջին երկու տարվա մեջ ամենախոշոր հարվածին
Մ-20 ԱԱ. Յուրիկ Պետրոսյանը՝ հունահռոմեական ոճի ըմբշամարտի աշխարհի առաջնության արծաթե մեդալակիր
Թրամփը դեռ չի որոշել, թե ո՛ւմ է աջակցելու Իսրայելի առաջիկա ընտրություններում
Սևանա լճի մակարդակը 50 սմ-ով բարձր է տարեսկզբի ցուցանիշից
Վաղարշապատի համայնքային ոստիկանները երթուղայինի վարորդին և կարգավարին հայտնաբերել և ներկայացրել են ն...
Արարատի մարզում չրերի արտադրամասի գործունեություն է կասեցվել
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Դավիթ Խուդաթյանը դիտարկել է Գյումրիում իրականացվող մի շարք ենթակառուցվածքային ծրագրերի ընթացքը
Մենք թույլ չենք տա մեզ վախեցնել. Գերմանիայի ԱԳՆ