Պուտինը Թրամփին ուղղված մեղադրանքները «քաղաքական շիզոֆրենիայի» նշան է համարում
ԱՄՆ-ում նախագահ Դոնալդ Թրամփի հասցեին հնչող մեղադրանքները ՌԴ ԱԳ նախարար Սերգեյ Լավրովին գաղտնի տեղեկությունների փոխանցման մասին «քաղաքական շիզոֆրենիայի» նշան են, հայտարարել է ՌԴ նախագահ Վլադիմիր Պուտինը, փոխանցում է RNS-ը:
«Մենք տեսնում ենք, որ Միացյալ Նահանգներում քաղաքական շիզոֆրենիա է զարգանում: Ոչ մի այլ բանով չեմ կարող բացատրել գործող նախագահին (Դոնալդ Թրամփին) այն բանում մեղադրելը, որ նա Լավրովին ինչ-որ գաղտնիքներ է փոխանցել»,- ասել է Պուտինը Իտալիայի վարչապետ Պաոլո Ջենտիլոնիի հետ հանդիպումից հետո:
«Ի դեպ, ես այսօր նրա հետ (Լավրովի) արդեն խոսել եմ, ստիպված եմ (նրան) նկատողություն, նախազգուշացում տալ, որովհետեւ նա այդ գաղտնիքները մեզ չի հայտնել: Ո՛չ ինձ, ո՛չ Ռուսաստանի հատուկ ծառայություններին: Սա նրա կողմից շատ վատ է»,- կատակել է նախագահը:
«Սկզբում, երբ հետեւում էինք ներքաղաքական պայքարի զարգացման գործընթացին, մեզ համար ծիծաղելի էր: Այսօրվա դրությամբ սա ոչ միայն պարզապես տխուր է, սա մեր մտահոգությունն է հարուցում, որովհետեւ դժվար է պատկերացնել, թե էլ ինչ կարող են մտածել այն մարդիկ, որոնք նման անհեթեթություն, նման զառանցանք են գեներացնում: Նրանք Միացյալ Նահանգներում ներքաղաքական իրավիճակն աշխուժացնում են հակառուսական կարգախոսներով, կա՛մ նրանք չեն հասկանում, որ այս զառանցանքն իրենց կողմից են տարածում, եւ այդ դեպքում նրանք ուղղակի բթամիտ են, կա՛մ ամեն ինչ հասկանում են, եւ այդ դեպքում նրանք պարզապես վտանգավոր ու անազնիվ մարդիկ են: Սակայն ամեն դեպքում սա Միացյալ Նահանգների գործն է, եւ մենք չենք պատրաստվում այս հարցում միջամտել ու չենք միջամտի»,- ասել է Պուտինը, փոխանցում է «ՌԻԱ Նովոստի»-ն:
Նա չի գնահատել ԱՄՆ նախագահի պաշտոնում Դոնալդ Թրամփի գործունեությունը: «Ինչ վերաբերում է նախագահ Թրամփի գործունեության գնահատմանը, ապա սա եւս մեր գործը չէ, այդ գնահատականը պետք է տան ամերիկացի ժողովուրդը եւ ամերիկացի ընտրողը»,- ասել է նա: Պուտինի խոսքով՝ ԱՄՆ նախագահի աշխատանքը հնարավոր կլինի գնահատել այն բանից հետո, երբ «նրան ամբողջ թափով աշխատելու հնարավորություն տան»:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Երեւանում եւս ժամանակ առ ժամանակ սպասվում է անձրեւ եւ ամպրոպ
ՃՏՊ Երեւանի կենտրոնում` մահվան դեպքով
Ռուսական գազի գինը Հայաստանի համար չի կարող թանկանալ
Բելգիայում բացվել է առաջին Թումո կենտրոնը
Փաշինյանի բոլոր որոշումներն արդեն ընդունված են. Վոլոդին
Ռոնալդինյոն ժամանել է Հայաստան
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Պատերազմում շրջադարձային պահ է, հայտարարել է Ուկրաինայի ԱԳ նախարարը
ԿԸՀ-ն ուժը կորցրած է ճանաչել «Բոլորին դեմ եմ»-ի պատգամավորի 7 թեկնածուի գրանցումը