Էրդողանը կոչ է արել 1 մլն սիրիացի փախստականներին՝ վերադառնալ իրենց հայրենիք

Թուրքիայի նախագահ Ռեջեփ Թայիփ Էրդողանը կոչ է արել 1 մլն սիրիացի փախստականներին՝ վերադառնալ իրենց հայրենիք «շատ կարճ ժամանակում»՝ համաշխարհային տերություններին մեղադրելով, որ նրանք ավելի շատ են ձգտում պաշտպանել Սիրիայի նավթահանքերը, քան նրա զավակները», տեղեկացնում է Reuters-ը։

«Մենք պետք է գտնենք բանաձեւ, որը թույլ կտա փախստականներին մնալ հայրենիքում, իսկ նրանք, ովքեր արդեն եկել են Թուրքիա, խաղաղ վերադառնան եւ բնակություն հաստատեն հայրենիքում»,- ասել է նա։

Ելույթ ունենալով Ժնեւի Փախստականների գործերով գլոբալ համաժողովում՝ Էրդողանը տրտնջացել է, թե Թուրքիան ծախսել է 40 մլրդ դոլար փախստականներին տեղավորելու համար ինը տարվա ընթացքում եւ քննադատել է Եվրամիությանը, որը հատկացրել է մոտ 6 մլրդ եվրո։ «Մենք դեռ սպասում ենք 3 մլրդ եվրո ստանալուն»,- ասել է նա։