Արքայազն Ուիլյամը պատմել է, որ իր երեխաները սկսել են հետաքրքրություն ցուցաբերել անօթևանության խնդրի նկատմամբ (լուսանկարներ, տեսանյութ)

Մեծ Բրիտանիայի արքայազն Ուիլյամը Սուրբ Ծննդի տոնին նվիրված հատուկ` Berry Royal Christmas թողարկման ժամանակ խոստովանել է, որ արքայազն Ջորջը և արքայադուստր Շառլոթը սկսել են հետաքրքրություն ցուցաբերել անօթևանության խնդրի նկատմամբ՝ դպրոց գնալու ճանապարհին փողոցում քնած մարդկանց տեսնելուց հետո, գրում է The Telegraph-ը:

Հաղորդման ընթացքում արքայազն Ուիլյամը հայտնել է, որ իր երեխաների հետ շատ հաճախ զրուցում է ուրիշների առջև ծառացած խնդիրների մասին:

«Դպրոցի ճանապարհին, երբ որևէ մեկին տեսնում ենք փողոցում քնած, ես նրանց հետ զրուցում եմ այդ մասին»,- հայտնել է Քեմբրիջի դուքսը և հավելել, որ իր երեխաները հետաքրքրություն են ցուցաբերում և հարցնում. «Ինչո՞ւ նրանք չեն կարող տուն գնալ»:

Քեմբրիջի դուքսը խոհանոցային գրքերի հեղինակ և հաղորդավարուհի Մերի Բերիի հետ զրուցել է Լոնդոնի կենտրոնում անօթևանների բարեգործական հիմնադրամ այցելության ժամանակ:

Նա պատմել է, թե ինչպես է մայրը՝ արքայադուստր Դիանան, իրեն ութ տարեկանում տարել անօթևանների բարեգործական հիմնադրամ` խիստ գիտակցելով դրա կարևորությունն իր որդիների կյանքում:

«Դա մեծ հետք է թողել իմ կյանքում. մայրս գիտակցված էր անում այդ քայլը»,- հայտնել է արքայազնը և հավելել, որ ինքը նույնպես որոշել է իր զավակներին նման կենտրոններ տանել:

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից