Լրատվամիջոցները հայտնել են՝ ով կարող է կանգնած լինել մասշտաբային կիբեռհարձակման հետևում
Ամբողջ աշխարհում հարյուր հազարավոր համակարգիչներով տարածված վիրուսային ծրագրի հետևում կարող է կանգնած լինել ԿԺԴՀ-ի հետ կապված հաքերների խումբը: Այդ մասին հայտնում է The Daily Mail-ը՝ վկայակոչելով ամերիկյան Symantec ընկերության և ռուսական «Կասպերսկու լաբորատորիա»-ի փորձագետներին:
Թերթի տվյալներով՝ երկու ընկերությունների վերլուծաբանները ստացված տեղեկատվության ուսումնասիրությունից հետո եկել են եզրակացության, որ կիբեռհարձակման հետևում կարող է կանգնած լինել անցած տարի Բանգլադեշի կենտրոնական բանկի միջոցներից գողության և 2014 թվականին Sony ընկերության վրա իրականացված հարձակման հետ կապված Lazarus հաքերների խումբը:
«Կասպերսկու լաբորատորիայի» ներկայացուցիչը նաև հայտնել է, որ Մեքսիկան WannaCry վիրուսից Լատինական Ամերիկայում առավել շատ տուժած երկիրն է և հինգերորդն է աշխարհում՝ Ռուսաստանից, Ուկրաինայից, Չինաստանից և Հնդկաստանից հետո:
Ամբողջ աշխարհով մասշտաբային կիբեռհարձակումը սկսվել է ուրբաթ՝ մայիսի 12-ին: Ինչպես հայտնի է դարձել, հաքերներն օգտագործել են ԱՄՆ ազգային անվտանգության գործակալութան փոփոխված ծրագիրը: Եվրապոլի տնօրեն Ռոբ Ուեյնրայթը հայտարարել է, որ ամբողջ աշխարհում մասշտաբային կիբեռհարձակման հետևանքով մայիսի 12-ից ի վեր տուժել է ավելի քան 200 հազար օգտատեր՝ 150 երկրում:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Երեւանում եւս ժամանակ առ ժամանակ սպասվում է անձրեւ եւ ամպրոպ
ՃՏՊ Երեւանի կենտրոնում` մահվան դեպքով
Ռուսական գազի գինը Հայաստանի համար չի կարող թանկանալ
Բելգիայում բացվել է առաջին Թումո կենտրոնը
Փաշինյանի բոլոր որոշումներն արդեն ընդունված են. Վոլոդին
Ռոնալդինյոն ժամանել է Հայաստան
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Պատերազմում շրջադարձային պահ է, հայտարարել է Ուկրաինայի ԱԳ նախարարը
ԿԸՀ-ն ուժը կորցրած է ճանաչել «Բոլորին դեմ եմ»-ի պատգամավորի 7 թեկնածուի գրանցումը