Իլոն Մասկն իր նոր Cybertruck էլեկտրապիկապով ռեստորանից հեռանալիս հարվածել-գցել է արգելաձողը (տեսանյութ)

Ամերիկյան Tesla և SpaseX ընկերությունների հիմնադիր Իլոն Մասկն իր նոր Cybertruck էլեկտրապիկապով Լոս Անջելեսի ռեստորաններից մեկից հեռանալիս հարվածել-գցել է արգելաձողերից մեկը:

Համապատասխան տեսանյութը հրապարակվել է YouTube կայքում:

Ինչպես ավելի վաղ տեղեկացրել էր Tert.am-ը` Մասկը ռեստորան էր գնացել դերասան Էդ Նորթոնի հետ` փոխադրամիջոց ընտրելով նոր Cybertruck էլեկտրապիկապը: Տեսանյութում երևում է, թե ինչպես է գործարարը ռեստորանից հեռանալիս հարվածում-գցում արգելաձողը:

Tesla ընկերությունը, որը մասնագիտացած է էլեկտրական մեքենաների արտադրության գործում, նոյեմբերին ներկայացրել էր Cybertruck էլեկտրական պիկապը:

Մեքենան արտադրվելու է երեք տարբերակով՝ մեկ լիցքով 400, 480 ու 800 կիլոմետր ընթացքով։

Պիկապի արժեքը սկսվում է 39 900 դոլարից։ Ամենաթանկ մոդելի գինը կսկսվի 69 990 դոլարից:

Պիկապի հետ միասին Մասկը ներկայացրել է նաև էլեկտրական քվադրոցիկլ։ Այն կարող է տեղավորվել Cybertruck-ի թափքում ու լիցքավորվել դրանից։

Էլեկտրական պիկապի նախնական պատվերներն արդեն ընդունվում են, սակայն արտադրությունը կսկսվի 2021-ին։