Մելանյա Թրամփը դպրոցականներին օգնել է փաթեթավորել ամանորյա նվերները (լուսանկարներ, տեսանյութ)

Միացյալ Նահանգների առաջին տիկին Մելանյա Թրամփն ամուսնու՝ նախագահ Դոնալդ Թրամփի հետ երկօրյա այցով Մեծ Բրիտանիայում գտնվելու ժամանակ այցելել է Լոնդոնի հյուսիսում գտնվող «Փրկության բանակ» միջազգային քրիստոնեական և բարեգործական կազմակերպության կենտրոն:

Ինչպես նշում է dailymail.co.uk-ը, 49-ամյա առաջին տիկինը, որն առանձնակի հաճույք է ստանում երեխաների հետ շփումից, հանդիպել է մի խումբ դպրոցականների և նրանց օգնել ամանորյա նվերների փաթեթավորման հարցում:

Պարբերականը նկատում է, որ, դատելով տիկին Թրամփի դեմքի արտահայտությունից, նա շատ հաճելի ժամանակ է անցկացրել երեխաների միջավայրում: Նշվում է, որ առաջին տիկինն այստեղ մոտ քսան րոպե է անցկացրել:

Հանդիպումից հետո երեխաները պատմել են, որ ԱՄՆ առաջին տիկինը շատ լավ տպավորություն է թողել:

«Բոլորս կարծում էինք, որ նա պետք է ջղային լինի, բայց նա այնքան լավն էր»,-պատմել է դպրոցականներից մեկը: Մեկ ուրիշն էլ հավելել է, որ Մելանյա Թրամփի դիմահարդարումը մի քիչ շատ է եղել, այդ պատճառով նրա դեմքը բարկացած է թվացել:

Այս թեմայով Ուկրաինական քաղաքում ընկել է գլխավոր տոնածառը Երևանի այս տարվա ամենաօրիգինալ տոնածառը, որն արդեն չկա (տեսանյութ) Երիտասարդ միլիարդատիրուհի Քայլի Ջեները ներկայացրել է իր տան սուրբծննդյան ձևավորումը և դստեր փոքր «առանձնատունը» (լուսանկարներ, տեսանյութ) Տոնածառ՝ Բայկալի հատակին (Տեսանյութ) Գողացել են ամանորյա տոնածառը