Որքան է ծախսում Ֆրանսիան նախկին նախագահների վրա
Ըստ ֆրանսիական օրենքների՝ երկրի նախկին նախագահները ստանում են ամսական ավելի քան 6000 եվրո կենսաթոշակ։ Բացի դրանից պետությունը նրանց ամսական 14 հազար եվրո է վճարում Սահմանադրական խորհրդում ցմահ անդամակցության համար։ Բայց այսքանով նախկին նախագահների արտոնությունները չեն ավարտվում։ Որքա՞ն է երկիրը ծախսում նախկին նախագահների վրա ու թոշակի անցած նախագահներից ո՞ր մեկն է ամենաթանկարժեքը։
Օրինակ 62-ամյա Ֆրանսուա Օլանդը վերոնշյալ վճարներից բացի թոշակի գնալուց հետո կստանա նաեւ նախկին պատգամավորի թոշակ՝ նա եղել է չորս գումարումների ԱԺ-ների պատգամավոր։ Բացի դրանից եղել է նաեւ խորհրդական Հաշվիչ պալատում։ Դրա համար էլ նախատեսված է լրացուցիչ 15 հազար եվրո ամսական վճար։
Բայց սա դեռ ամենը չէ։ Նախկին նախագահներին հասնում է նաեւ գրասենյակ, որի վարձակալության վճարն ու կոմունալ ծառայությունների դիմաց վճարում է պետությունը։ Ընդ որում նախագահն իրավունք ունի անսահմանափակ ժամանակով յոթ մշտական աշխատակից պահել։ Նախկին նախագահներին տրամադրվում էր նաեւ պետական ծառայողական մեքենա՝ վարորդով, սակայն Ֆրանսուա Օլանդը դա չարդարացված ճոխություն է համարել ու չեղարկել է այդ նորմը։ Բայցեւայնպես հասարակական տրանսպորտը շարունակում է անվճար մնալ նախկին առաջնորդների համար։
Բայց ամենաթանկը ֆրանսիացիները վճարում են նախկին նախագահների անվտանգության համար՝ ապահովելով ոչ միայն նախագահի անձնական՝ այլեւ նրա բնակարանների անվտանգությունը։ Այս հոդվածը կազմում է տարեկան 5․6 մլն եվրո։
Ընդհանուր առմամբ Ֆրանսիայի նախկին նախագահների բարեկեցության համար հարկատուները տարեկան 10 մլն եվրո են վճարում։ «Ամենաթանկարժեք» նախկին նախագահը Վալերի Ժիսկար դ՝ Էստենն է ՝ 3․9 մլն եվրո։ Այնուհետեւ Նիկոլյա Սարկոզին՝ 3․3 մլն եվրո։ Իսկ «ամենաէժանը» Ժակ Շիրակն է ՝2․4 մլն եվրո։
Մենք միանգամայն արժանիորեն դուրս եկանք հաջորդ փուլ
Աբու Դաբին կունենա համաշխարհային արվեստի նոր կենտրոն
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սևանում տեղի է ունեցել «Sevan AgriTech Summit»-ը
Ուրումչիի մշակութային ուղին. Գրանդ բազար
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Քրիստիան Ռոմերոն պահանջում է տարեկան 8 միլիոն եվրո աշխատավարձ