ՌԴ դեսպանատունը պատասխանել է Մոսկվայի՝ ընտրություններին «խառնվելու» վերաբերյալ Ջոնսոնի խոսքերին

Լոնդոնում Ռուսաստանի Դաշնության դեսպանության ներկայացուցիչները «Twitter»–ի էջում մեկնաբանել են Մեծ Բրիտանիայի ԱԳՆ ղեկավար Բորիս Ջոնսոնի հայտարարությունը՝ Մոսկվայի հնարավոր «միջամտության» վերաբերյալ երկրի խորհրդարանական ընտրություններում։

«Բորիս Ջոնսոնը գերազանցեց #Russiansdidit-ին,– ասվում է հաղորդագրության մեջ։ Նախընտրական կամպանիայում փաստարկների սակավություն»։

Մայիսի 13-ին Մեծ Բրիտանիայի ԱԳՆ ղեկավար Բորիս Ջոնսոնը «The Telegraph»–ին տված հարցազրույցում հայտարարել էր, որ չի բացառում ՌԴ–ի «միջամտությունը» Մեծ Բրիտանիայի արտահերթ խորհրդարանական ընտրություններում։
«Կարծում եմ դա հնարավոր է»,– ասել է Մեծ Բրիտանիայի ԱԳՆ ղեկավարը՝ պատասխանելով լրագրողի հարցին։

Top-News.am