Իմ գործունեությունը քայքայիչ է միմիայն Նիկոլ Փաշինյանի համար․ Վիտալի Բալասանյան
Արցախի անվտանգության խորհրդի նախկին քարտուղար Վիտալի Բալասանյանի գործունեությունը քայքայիչ է միմիայն ՀՀ գործող իշխանության, այն է՝ Նիկոլ Փաշինյանի համար։ Այս մասին Բալասանյանն ասել է Yerevan.today-ի հետ զրույցում։
«Վարչապետի խոսնակը ճիշտ չի գուշակել․ Վիտալի Բալասանյանի գործունեությունը քայքայիչ է միմիայն ՀՀ գործող իշխանության, այն է՝ Նիկոլ Փաշինյանի համար։ Նիկոլ Փաշինյանի համար, այո, քայքայիչ է։
Ի՞նչ է ասում Նիկոլ Փաշինյանը, ի՞նչ է ասում Վիտալի Բալասանյանը և ո՞ւմ գործունեությունն է քայքայիչ։ Եկեք վերլուծենք։
Նիկոլ Փաշինյանը հայտարարում է՝ «Արցախը Հայաստան է և վերջ»։
Վիտալի Բալասանյանն արձագանքում է, որ Փաշինյանի այս խոսքերը նախ փակուղային են բանակցությունների համար։ Բացի այդ, Արցախը Հայաստան չէ և վերջ, Արցախն Արցախ է, Հայաստանը՝ Հայաստան։ Փաշինյանի նաև այս հայտարարության պատճառով է, որ որոշ վայ գործիչներ ու քաղաքացիներ բեմ են բարձրանում ու հայտարարում Արցախը Հայաստանի մարզ։
Նիկոլ Փաշինյանը հայտարարում է՝ «Հայաստանը բանակցությունների կողմ է»,-նշել է նա։
Վիտալի Բալասանյաի համոզմամբ՝ նման հայտարարությամբ Նիկոլ Փաշինյանն ադրբեջանական տեսակետն է առաջ բերում, որից մինչ նրա գալը Հայաստանի և Արցախի բոլոր իշխանությունները փորձել են խուսափել․ «Նա սրանով Հայաստանի դիվանագիտությունը դնում է պաշտպանվողի վիճակի մեջ։ Հայաստանը թե՛ հակամարտության, թե՛ բանակցությունների կողմ չէ ու չի եղել, կողմերն են եղել և կան Ադրբեջանը և Արցախի Հանրապետությունը։
Նիկոլ Փաշինյանը հայտարարում է՝ «Արցախի հարցը պետք է կարգավորվի Հայաստանի ժողովրդի, Արցախի ժողովրդի և Ադրբեջանի ժողովրդի համար ընդունելի տարբերակով»։
Վիտալի Բալասանյանն ասում է, որ նախ՝ գոյություն չունի Արցախի ժողովուրդ, Հայաստանի ժողովուրդ․ կա միասնական հայ ժողովուրդ՝ Արցախում, Հայաստանում, Ջավախքում, Սփյուռքում, որին, սակայն, անընդհատ փորձում են տարանջատել նախ՝ նախագահ Տեր-Պետրոսյանի թիմը, իսկ հիմա՝ Նիկոլ Փաշինյանի թիմը։ Արցախի ու Հայաստանի միջև բաժանարար գծերի քաշումը Հայաստանի ա՛յս և առաջին իշխանության գործելաոճն է»։
Վիտալի Բալասանյանը նաև ասում է, որ չի կարող Հայաստանի ու Արցախի շահերով առաջնորդվող ղեկավարը հայտարարել խնդիրն Ադրբեջանի ժողովուրդի համար ընդունելի տարբերակով լուծելու մասին, նրան թույլ չի տա հայ ժողովուրդը․ «Որովհետև մենք՝ պատերազմով անցած մարդիկ, գիտենք, թե ինչ է նշանակում խնդիրը թշնամու համար ընդունելի տարբերակով լուծում։ Դա չեն հասկանա մարդիկ, որոնք պատերազմի ժամանակ վարել են դասալիքի կյանք։
Նիկոլ Փաշինյանը կառավարությունում ընդունում է ահաբեկչական խմբավորման անդամներին, փակ զրույց ունենում։ Իսկ մինչ այդ՝ նրանց ազատ է արձակում բանտից, թույլ տալիս, որ հիմնեն կուսակցություն, մասնակցեն ԱԺ ընտրությունների ու անգամ՝ տարածվեն Արցախում, օր ու մեջ ասուլիս տան, եթերներում հայտնվեն ու հայտարարեն, որ պատրաստ են նորից այդ քայլին՝ ահաբեկչության գնալ»։
Վիտալի Բալասանյանը հավելում է, որ ահաբեկիչներին հովանավորողը, նրանց վրա հենվողը, ահաբեկիչներին դատ ու դատաստանը չավարտած ազատ արձակողը ոչ այլ ինչ է, քան նրանցից մեկը, առնվազն` համախոհը։
«Նիկոլ Փաշինյանի ցուցումով կալանավորվում են, հետին պլան են մղվում Արցախյան պատերազմի հերոսները, ազատության դրոշակակիր է դառնում ԼԳԲՏ համայնքը։ Նիկոլ Փաշինյանը խոսում է ժողովրդավարության անունից, բայց միանգամից թշնամի է հռչակում նրանց, ովքեր հանդես են գալիս իշխանությանն ուղղված առողջ քննադատությամբ։ Նիկոլ Փաշինյանի ցուցումով փորձում են խուզարկել Արցախի հերոսի ավտոմեքենան՝ առանց որևէ օրինական հիմքի։ Ու ապօրինի քայլը մնում է անարձագանք։
Ի՞նչ է ասում Վիտալի Բալասանյանը․ ասում է՝ այն էլ պատերազմող երկրում, բազմաթիվ ներքին ու արտաքին խնդիր ունեցող երկրում շռայլություն է նման դիլետանտ ղեկավարների առակայությունը։ Վիտալի Բալասանյանն ասում է, որ երկիրը փորձադաշտ չէ, չենք կարող թույլ տալ, որ մեզ իշխեն բանակից փախած, պատերազմը չտեսած ու այն չպատկերացնող, հայկականությունից հեռու ու Սորոսի պուլտով կառավարվող մարդիկ։ Վիտալի Բալասանյանն ասել ու կրկնում է, որ բոլորին չէ, որ կարող ես փռել ասֆալտին և այդպես շարունակելու դեպքում մի օր ինքդ ասֆալտին կփռվես։ Վերջապես, Վիտալի Բալասանյանն ասում է, որ իրավունք չունի հեղափոխական վարակը տարածվել Արցախում, քանի որ դա կործանարարար կլինի մեր երկրի համար։ Հեռու պահեք ձեր ձեռքերն Արցախից։
Վիտալի Բալասանյանն ասում է՝ Նիկոլ Փաշինյանի վարած քաղաքականությունը կրկնում է Լևոն Տեր-Պետրոսյանի՝ ԼՂ–ին Ադրբեջանի կազմում լայն ինքնավարություն տալու քաղաքականությունը։ Սրա դեմ պայքարել է Վիտալի Բալասանյանը, պայքարել են Հայաստանում, Արցախում և աշխարհով սփռված հայորդիները ու պայքարելու են միշտ։ Այս պայքարի համար Նիկոլ Փաշինյանին հակառակորդ են Վիտալի Բալասանյանը, Արցախցիները, Հայաստանցիներն ու Սփյուռքը։
Ավարտեմ խոսքս՝ ասելով, որ Նիկոլ Փաշինյանի գործունեությունը, նրանից հանրության՝ արդեն կայծակնային տեմպերով հիասթափությունը ցույց է տալիս՝ շատ ավելի լավ է, որ ես Փաշինյանի համար ընդունելի կամ այսպես ասած՝ «սրտի թեկնածուն» չեմ։ Դա էլ ավելի է մեծացնում իմ հաջողության շանսերը»։
Հիշեցնենք՝ ՀՀ վարչապետ Նիկոլ Փաշինյանը և Արցախի Հանրապետության նախագահ Բակո Սահակյանը հանդիպում են ունեցել Արցախի նախագահական ընտրություններին որպես թեկնածու մասնակցել պատրաստվող գործիչներ` ԱՀ Ազգային ժողովի նախագահ Աշոտ Ղուլյանի, ԱՀ արտաքին գործերի նախարար Մասիս Մայիլյանի, նախկին վարչապետ Արայիկ Հարությունյանի հետ։ Հանդիպմանը մասնակցել է նաև ՀՅԴ Արցախի ԿԿ-ի ներկայացուցիչ Դավիթ Իշխանյանը։
Արցախի Անվտանգության խորհրդի նախկին քարտուղար Վիտալի Բալասանյանը հանդիպմանը չի հրավիրվել, թեև նա ևս հայտարարել է, որ որպես նախագահի թեկնածու մասնակցելու է ընտրություններին։ Թե ինչու Վիտալի Բալասանյանը չի հրավիրվել հանդիպմանը, ՀՀ վարչապետի մամուլի խոսնակ Վլադիմիր Կարապետյանը պատասխանել է․ «Հայաստանի վարչապետի համար կարևոր է, որ Արցախի մեր սիրելի հայրենակիցները իմանան, որ ՀՀ վարչապետը և նրան աջակցող Հայաստանի Հանրապետության քաղաքացիները Վիտալի Բալասանյանի վերջին ամիսներին ծավալած գործունեությունը Հայաստանի և Արցախի ազգային անվտանգության տեսակետից համարում են քայքայիչ»։
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Հօգուտ Դիլիջան համայնքի կբռնագանձվի 2 միլիոն 970 հազար դրամ
Իրանական կամպանիայի ամերիկյան ծախսերը կարող է հասնել 31 մլրդ դոլարի
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Կգործարկվի YES Parking բջջային հավելվածը
«Արտեմիս II» տիեզերագնացները Լուսնի ձգողականության ազդեցության գոտի են հասել
Մի նոր փոդքաստ պարտադիր դիտման համար
Ապօրինի թմրաշրջանառության դեմ ՆԳՆ ոստիկանության պայքարը շարունակվում է
Համայնքային ոստիկաններն ու պարեկները հետախուզվողների են հայտնաբերել