Ադրբեջանի Միլի Մեջլիսը հայտարարել է ինքնալուծարման մասին

Ադրբեջանի Միլի Մեջլիսը դեկտեմբերի 2-ին հատուկ նիստի ժամանակ հայտարարել է ինքնալուծարման մասին:

minval.az-ի հաղորդմամբ՝ խոսնակ Օգտայ Ասադովը նշել է, որ «նախագահի կողմից անցկացված կառուցվածքային բարեփոխումները նոր փուլ են մտել»: Նրա խոսքով՝ հասարակությունը ողջունում է այդ բարեփոխումները:

Նա նշել է, որ ПЕА-ի անդամները, որոնք խորհրդարանում մեծամասնություն են կազմում, դիմել են Միլի Մեջլիսին՝ կապված խորհրդարանի լուծարման եւ արտահերթ ընտրությունների անցկացման հետ: «Սահմանադրության համաձայն՝ Միլի Մեջլիսն իրավունք ունի դիտարկել, քննարկել այդ հարցը: Նոր մարտահրավերները, հասարակության սպասելիքներն ու այլ գործոններ անհրաժեշտություն են ստեղծել օրենսդրական իշխանությունում բարեփոխումների խորացման, խորհրդարանի թարմացման համար»,- ասվում է հաղորդագրության մեջ:

Ապա իշխող կուսակցության քարտուղարի տեղակալ, պատգամավոր Սիյավուշ Նովրուզովը կկարդա երկրի նախագահ Իլհամ Ալիեւին ուղղված դիմումը՝ կապված խորհրդարանի լուծարման եւ արտահերթ ընտրությունների նշանակման հետ: