Վրաստանում ընդդիմությունը հայտարարել է, որ սկսում է բողոքի ակցիաներ անցկացնել երկրի տարբեր շրջաններում
Վրաստանում ընդդիմադիր «Նոր Վրաստան» կուսակցության ղեկավար Գեորգի Վաշաձեն հայտարարել է, որ Վրաստանի միացյալ ընդդիմությունը մտադիր է բողոքի ակցիաներ անցկացնել երկրի տարբեր շրջաններում: Այս մասին տեղեկացնում է netgazeti.ge կայքը:
Նշվում է, որ ակցիաները կսկսվեն այս շաբաթ Քութաիսի քաղաքից:
Վաշաձեի խոսքով՝ մինչև երկրի շրջաններում ակցիաների սկսվելը, իրենք ցուցարարների հետ ևս մեկ անգամ կփորձեն պիկետի ենթարկել խորհրդարանը:
Ավելի վաղ վրացական ոստիկանությունը հատուկ գործողություն էր անցկացրել խորհրդարանի մոտ, որպեսզի հեռացնի ցուցարարներին մուտքերի մոտից: Վրացական ոստիկանության հատուկջոկատայինները ջրցան մեքենա էին օգտագործել, որի շնորհիվ բացել էին խորհրդարանի բոլոր մուտքերն ու խորհրդարանին կից փողոցները փակել ավտոբուսներով: Վրաստանի ներքին գործերի նախարարությունը տեղեկացրել էր 3 տուժածի և 28 բերման ենթարկվածի մասին:
Հիշեցնենք, որ Թբիլիսիում զանգվածային բողոքի ցույցեր են սկսվել՝ խորհրդարանի կողմից խառը ընտրական համակարգից համամասնականի անցնելու վերաբերյալ սահմանադրական բարեփոխումների ընդունման տապալման պատճառով: Ցուցարարները հայտարարել են, որ իրենք բողոքի ակցիաներ կանեն այնքան ժամանակ, քանի դեռ ընտրությունները չեն անցնի համամասնական ընտրակարգով:
Ավելի վաղ Վրաստանում իշխող «Վրացական երազանք» կուսակցության նախագահ Բիձինա Իվանիշվիլին նշել էր, որ 2020 թվականի ընտրությունները կանցնեն համամասնական ընտրակարգով, որից հետո հոկտեմբերի վերջին խորհրդարանն անցել է Սահմանադրության մեջ համապատասխան փոփոխություններ անելուն, սակայն իշխող կուսակցությունից շատ պատգամավորներ, որոնք ընտրվել էին մեծամասնական համակարգով, չեն աջակցել այս ծրագրին, ինչի պատճառով այն տապալվել է:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...