ԵՊՀ ռեկտորը համաձայնել է բաց հանդիպում ունենալ գիտխորհրդի արտահերթ նիստ պահանջող ուսանողների հետ. (տեսանյութ)
ԵՊՀ միջանցքում հարցուպատասխան ենք ունեցել մոտ 20 րոպե, բայց քանի որ ԵՊՀ ռեկտորի ժամանակավոր պաշտոնակատար Գեղամ Գևորգյանը շտապում էր և տեղը հարմար չէր, առաջարկեցինք նրան բաց հանդիպում քննարկում ունենալ: Այս մասին Tert.am-ի հետ զրույցում ասաց «Հանուն ազգային կրթության» նախաձեռնության անդամ, ԵՊՀ բանասիրության ֆակուլտետի ուսանող Գևորգ Գյուլումյանը:
Նա նշեց, որ ռեկտորը համաձայնել է, մնում է հանդիպման մասին օր ու ժամ ճշտեն: «Հանդիպումը մենք պատկերացնում ենք այնպես, որ լինեն և՛ ուսանողներ, և՛ ակադեմիայի անդամներ, և՛ լրատվամիջոցներ: Մենք ողջունում ենք ռեկտորի այն քայլը, որ նա դուրս եկավ ու կանգնեց և խոսեց մեզ հետ»,- ասաց Գևորգ Գյուլումյանը:
Հիշեցնենք, որ ուսանողները նամակ էին ուղղել ԵՊՀ գիտխորհդին, որի պատասխանը նրանց չէր գոհացրել: Նրանք, մասնավորապես պահանջում են գիտխորհրդի արտահերթ նիստ հրավիրել և ռեկտորից պարզաբանում էին պահանջում, թե ինչու հայագիտական առաջարկների հարցը չի քննարկվում խորհրդում։
ԵՊՀ ռեկտորի ժամանակավոր պաշտոնակատար Գեղամ Գևորգյանը իր աշխատասենյակի մոտ բողոքի նստացույց անցկացնող ուսանողներին մինչև հանդիպելը փոխանցել էր, որ նրանց հետ հանդիպելու ժամանակ չունի:
Ուսանողների հետ տարվող աշխատանքների կենտրոնի ծրագրերի համակարգող Էդվարդ Գալստյանը պատմեց, որ իր գործադուլ անելու վերաբերյալ ռեկտորը իրեն խորհուրդ է տվել կարդալ օրենքը գործադուլ անելու մասին:
«Ես ասացի, որ հույս ունեմ, որ 2018 թվականին պարոն ռեկտորը համարձակություն ունեցել է ներկայիս նախարարին ևս այդ խորհուրդը տալ: Ես ի գիտություն նաև ռեկտորի, այո հպարտությամբ հայտարարում եմ, որ գործադուլ եմ իրականացնում, այո արհմիությունը տեղյակ է»,-ասաց նա:
Ըստ նրա` ռեկտորը փորձել է խեղաթյուրել շարժման բովանդակությունը` ասելով, թե այն քաղաքական է ԱԺ-ին է ուղղված, այնինչ այս փուլում ԱԺ-ին ուղղված պահանջ չունեն և իրենց պահանջը ռեկտորին է ուղղված: «Վերջին օրերին տրված պատասխանները չեն փարատում մեր մտահոգությունները, այլ վերահաստատում են, որ տեղին են»,-ասաց նա և ավելացրեց, որ երբ հոդաբաշխ պատասխան կլինի, ընդառաջ քայլ կլինի պատասխանատուների կողմից, այդ ժամանակ կվերադառնա աշխատանքի:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո