Վրացական լարին կրկին արժեզրկվում է

Վրաստանի Ազգային բանկը նոյեմբերի 25-ին կայացած աճուրդի տվյալներով՝ սահմանել է լարիի պաշտոնական փոխարժեքը վաղվա համար, որը զգալիորեն նվազել է:

Ինչպես տեղեկացնում է Новости-Грузия-ն, լարիի փոխարժեքը սահմանվել է 2.9756՝ մեկ դոլարի դիմաց և 3.2770՝ մեկ եվրոյի դիմաց:

Այդպիսով, լարիի փոխարժեքը դոլարի դիմաց շարունակում է նվազել: Միևնույն ժամանակ նշվում է, որ վրացական ազգային արժույթի փոխարժեքը փոքր-ինչ արժևորվել է եվրոյի նկատմամբ:

Լարիի փոխարժեքը աճել է նաև թուրքական լիրայի նկատմամբ և կազմում է 0.5178 լարի՝ մեկ լիրայի դիմաց:

Հիշեցնենք, որ լարին վերջին անգամ խոշոր անկում էր գրանցել հուլիսին՝ երկրում տիրող ցույցերի ֆոնին Ռուսաստանի հետ ավիահաղորդակցության դադարեցման հետևանքով: