Տուն-զբոսանավ․ 5,5 մլն դոլար արժողությամբ լողացող շքեղ առանձնատունը հայտնվել է բաց ծովում (տեսանյութ)

Oddity Central-ներկայացրել է բաց ծովում տեղակայված մոտ 400 քառ․ մետր մակերեսով ժամանակից առանձնատունը, որով կարելի է նավարկության մեկնել։

Այն ծովի ալիքներից բարձր է մնում և ալեկոծությանը դիմակայում է հիդրավլիկ հենասյուների շնորհիվ։ Տունն այնպես է կառուցված, որ կարողանա դիմանալ 4-րդ աստիճանի փոթորկի։ Առանձնատունը գնահատվում է 5,5 մլն դոլար։

Ինչպես ներկայացնում է Arkup անունն ստացած «տուն-զբոսանավի» դիզայները, այն նախատեսված է ճանապարհորդել սիրող անձանց համար, ովքեր հաճախ են շրջագայությունների մեկնում։

Տունը նավարկելի է դառնում 100/272 կվտ/ձիաուժ հզորությամբ երկու էլեկտրաշարժիչների միջոցով։ Առավելագույն արագությունը կազմում է 7 ծովային հանգույց։ Իսկ տարածությունը, որն այն անցնում է առանց վերալիցքավորման, կազմում է 20 ծովային մղոն։

Շքեղ տունը համալրված է 4 ննջասենյակով, հյուրասենյակով, լոգասենյակով, շարժական տախտակամածով։ Առանձնատանը գործում է նաև անձրևաջուրը խմելու ջրի վերածելու համակարգ, ինչը թույլ է տալիս բնակիչներին նավարկության ընթացքում ապահովել անհրաժեշտ ջրով։