Ռուսաստանը ցուցադրել է նորագույն հրետանային կայանքի փորձարկումները (տեսանյութ)

ՌԴ պաշտպանության նախարարությունը Կուզբասում փորձարկել է 2С7М Малка 203-մմ ինքնագնաց հրետանային նոր կայանքի կրակային հնարավորությունները։ Ինչպես ներկայացնում է Lenta.ru-ն, տվյալ հրետանային կայանքը ստեղծվել է 2С7 «Պիոն» կայանքների հիման վրա։

Տեսանյութին կից հաղորդվում է, որ հրետանայինները հարվածներ են հասցրել մոտ 30 կմ հեռավորությամբ գտնվող պայմանական հակառակորդի դիրքերի ուղղությամբ։ «Կրակահերթի ժամանակ խոցման նոր մեթոդ է կիրառվել․ «հակառակորդի» դիրքերի ուղղությամբ հասցված հարվածները կետային են եղել»,- ասվում է հաղորդագրության մեջ։

Աղբյուրը հիշեցնում է, որ 2018-ի սեպտեմբերին ամերիկյան The National Interest ամսագիրը գրել էր, որ Ռուսաստանը վերադարձել է ծանր հրետանու՝«Ռազմի աստված» 240-մմ հրանոթի և 2С7 «Պիոն» 203 մմ հաուբիցի արդիականացմանը։