Թերեզա Մեյն ու նրա ամուսինը՝ Ֆիլիպը պատմել են իրենց ծանոթության մասին
Մեծ Բրիտանիայի վարչապետ Թերեզա Մեյն ու նրա ամուսինը՝ Ֆիլիպը պատմել են իրենց ծանոթության ու սիրո մասին BBC One Show–ի եթերում։
Հաղորդավարի առջեւ փափուկ բազմոցին նստած՝ վարչապետը մի քիչ վախեցած էր թվում, բայց նա անհանգստանալու պատճառ չուներ։ Պարոն Մեյը շատ զգուշավոր էր ու ամեն կերպ ձգտում էր ոչ մի վրիպում թույլ չտալ՝ նման զգուշավորությունը բնորոշ է նաեւ նրա կնոջը։ Հարցազրույցի մեծ մասը Ֆիլիպը դեմքով շրջված էր դեպի կինը, եռանդուն գլխով էր անում ու ամեն կերպ ցույց տալիս, որ բոլոր հարցերում համամիտ է իր երկրորդ կեսի հետ։ Նրա խոսքով նույն իրավիճակն է նաեւ տանը։
Այն հարցին, արդյոք բարդ է կնոջ հետ պայմանավորվելը, նա պատասխանել է, որ ցանկացած ամուսնության մեջ միշտ ինչ-որ բան ձեռք ես բերում ու ինչ-որ բան էլ զոհաբերում։ «Ես կարող եմ ինքս որոշել, թե հատկապես երբ աղբը տանեմ թափելու։ Բայց կանեմ դա, թե ոչ՝ քննարկան առարկա չէ»,- պատմել է Ֆիլիպ Մեյը։ «ԳԻտեք, կա տղաների աշխատանք, կա աղջիկների աշխատանք»,- շտապել է պարզաբանել իրավիճակը նրա կինը; «Աղբը հաստատ իմ գործն է։ Ես ավանդաբար անում եմ տղամարդու բոլոր գործերը, ու բավականին ծավալուն»,- հավելել է պարոն Մեյը։
Բայց ահա վարչապետի գործը, որը նույնպես ավանդաբար տղամարդու գործ է համարվում, նրանց ընտանիքում բաժին է ընկել ոչ Ֆիլիպին։
Ֆիլիպ Մեյի խոսքով, իր կինն առաջին անգամ հետաքրքրվել է վարչապետի պաշտոնով, երբ դեռ ստվերային գրասենյակում էր աշխատում, 1999-ին։ Ու չնայած պատանեկության տարիներին Ֆիլիպը հաճախ էր ելույթ ունենում Կոնսերվատիվ կուսակցության համագումարներին, Թերեզան առաջինն է սկսել քաղաքական կարիերա, իսկ նա ֆինանսական ոլորտ է հեռացել։
Պարոն Մեյը հիշել է մի բարդ դրվագի մասին, որը նրանց վիճակված է եղել վերապրել ամուսնական կյանքում։ Տարիներ առաջ Թերեզան պայքարում էր իր ընտրատարածքում հաղթանակի համար, իսկ թերթերը գրել էին, որ նրան դժվար թե պատգամավոր ընտրեն, քանի որ նա վերջերս է երեխա լույս աշխարհ բերել։ Թերեզան, որը երբեք չի մայրացել, հիշում է, թե ինչպես էր այդ ժամանակ իր սկեսուրը զանգարահել այն հույսով, որ մամուլի այդ տեղեկությունը ճիշտ է։ «Նա այնքան հիասթափված էր»,- խոստովանել է Թերեզան։
Զույգին հարցրել են նաեւ արշավների մասին, որոնց նրանք սիրում են մասնակցել ազատ ժամանակ, անգլիկանյան հոգեւարականի ընտանիքում Թերեզայի մանկության, նաեւ նրանց առաջին հանդիպման մասին։
Նրանց ծանոթացրել էր ընդհանուր ընկերուհին՝ Բենազիր Բխուհոն, որը հետագայում Պակիստանի նախագահն է դարձել։ «Ես մտածեցի, ինչ համակրելի աղջիկ է։ Դա սեր էր առաջին հայացքից»,- հիշում է Ֆիլիպը իր առաջին տպավորության մասին։ «Ես էլ նույնը զգացի»,- խոստովանել է Թերեզան։
Այն հարցին, թե ինչ է նշանակում վարչապետի ամուսին լինելը, Ֆիլիպը պատասխանել է, որ դա հսկայական արտոնություն է ու հավելել «Իհարկե դա մի փոքր հիասթափեցնող է այն տղամարդու համար, որի համար կարեւոր է, որ թեյը մատուցվի ուղիղ ժամը վեցին»։ Ընդ որում Ֆիլիպը նրբանկատորեն շեշտել է, որ իր կինը շատ համեղ է պատրաստում։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը
ԱՄՆ ցամաքային զորքերի շտաբի պետը հրաժարական է տվել