Փարիզում անհայտ անձինք կողոպտել են ոսկերչական խանութը

Երկու անհայտ անձինք կողոպտել են Ֆրանսիայի մայրաքաղաք Փարիզի 9-րդ շրջանում գտնվող ոսկերչական խանութը՝ մոտ 800-900 հազար եվրո արժողությամբ վնաս պատճառելով։ Այս մասին հաղորդում է «ՌԻԱ Նովոստի»-ն՝ վկայակոչելով BFMTV հեռուստաալիքին։

Միջադեպը տեղի է ունեցել երեքշաբթի օրը՝ տեղի ժամանկով 11։00-ին, Ելիսեյան դաշտերի մերձակայքում։ Խանութում թանկարժեք ժամացույցներ են վաճառվում։

Նշվում է, որ չարագործներն ատրճանակներ են ունեցել։ Կողոպուտից հետո նրանք հանցանքի վայրից անհետացել են մոտոցիկլետներով։ Ներկա պահին հասցված վնասը 800-900 հազար եվրո է գնահատվում։

NEWS.am