Ադրբեջանը ցանկանում է Ղարաբաղը, սակայն առանց մարդկանց. Փաշինյան
Ադրբեջանի առաջնորդները հայտարարում են, թե ցանկանում են, որ Ղարաբաղը լինի Ադրբեջանի մասը, սակայն հրաժարվում են բանակցություններ վարել Ղարաբաղի ժողովրդի հետ, դա տարօրինակ դիրքորոշում է: Այս մասին Փարիզյան խաղաղության ֆորումի ժամանակ իր ելույթում հայտարարեց ՀՀ վարչապետ Նիկոլ Փաշինյանը: Վարչապետը պատմեց անվտանգության խնդիրների եւ ժամանակակից մարտահրավերների մասին, որոնց բախվում է Հայաստանը: Նա նշեց, որ Բաքուն հրաժարվում է Ղարաբաղի հետ բանակցություններից նույնիսկ ԵԱՀԿ Մինսկի խմբի համանախագահների ձեւաչափով:
«Ադրբեջանի կառավարությունը պնդում է, որ Ղարաբաղը պետք է լինի Ադրբեջանի մասը: Շատ տարօրինակ դիրքորոշում է: Անհնար է հասկանալ՝ ինչու է Ադրբեջանի կառավարությունը պատրաստվում Ղարաբաղը ներառել իր տարածքում առանց մարդկանց հետ բանակցությունների: Ադրբեջանի առաջնորդներն ասում են, թե ցանկանում են, որ Ղարաբաղը լինի իրենց երկրի մասը, սակայն հրաժարվում են բանակցություններ վարել ժողովրդի հետ: Ի՞նչ է դա նշանակում: Նրանք ցանկանում են տարածքներ առանց մարդկանց»,- ասաց Փաշինյանը:
Նրա խոսքով՝ Ադրբեջանում Ղարաբաղի բնակիչներին չեն կարող անվտանգության որեւէ երաշխիք տրամադրել: Դրա ապացույց է այն, որ հայկական ազգանուն ունեցող ցանկացած մարդու համար արգելված է Ադրբեջան մուտքը: Փաշինյանը մի քանի օրինակ նշեց: Bloomberg գործակալության լրագողը, թուրքական նվագախմբի երաժիշտը, 8-ամյա աղջիկը. նրանց համար արգելվել է Ադրբեջան մուտքը: Նա նաեւ հիշեցրեց վերջին դեպքը, երբ Բաքվում ձերբակալվել էր վարորդը, որն իր մեքենայում հայկական երաժշտություն էր լսել: Ինչպես նաեւ «Արսենալի» կիսապաշտպան Հենրիխ Մխիթարյանի հետ կապված միջադեպը. նրա շապիկով երկրապագուին կանգնեցրել էր Բաքվի ոստիկանությունը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են