Ֆրանսիայի նախագահական ընտրություններում Մակրոնը Լը Պենից առաջ է անցել
Ֆրանսիայի նախագահի թեկնածու, «Առաջ» շարժման առաջնորդ Էմանուել Մակրոնը նախագահական ընտրությունների երկրորդ փուլում 60 տոկոս ձայներով առաջ է անցել իր մրցակցուհուց՝ «Ազգային ճակատ» կուսակցությունից թեկնածու Մարին Լը Պենից, հայտնում է բելգիական Soir պարբերականը՝ վկայակոչելով երեք հետազոտական ինստիտուտների հարցումների արդյունքները:
Պարբերականը նշում է, որ կարող է զգալի լինել նաեւ դատարկ եւ անվավեր քվեաթերթիկների թիվը:
Ֆրանսիայում օրենքով արգելված է մինչեւ քվեարկության ավարտը տեղամասերից դուրս գալուց հետո կատարված հարցումների արդյունքների եւ կանխատեսումների հրապարակումը, խախտման համար նախատեսված է 75 հազար եվրոյի տուգանք: Այս կապակցությամբ հարեւան երկրների, այդ թվում՝ Բելգիայի, Շվեյցարիայի եւ Գերմանիայի լրատվամիջոցները հրապարակում են սեփական հետազոտությունների տվյալները, որոնք Ֆրանսիայում կասկածներ են հարուցում. նախկինում քվեարկության օրը կատարված նման հարցումները, ինչպես հաստատել են քվեարկության վերջնական արդյունքները, երբեմն սխալ են եղել:
Ֆրանսիայի նախագահական ընտրությունների ապրիլի 23-ին անցկացված առաջին փուլում բելգիական RTBF հեռուստաալիքի կանխատեսումները շատ մոտ էին վերջնական արդյունքներին՝ ունենալով 0,5-ից մինչեւ 3 տոկոսի շեղում:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Երեւանում եւս ժամանակ առ ժամանակ սպասվում է անձրեւ եւ ամպրոպ
ՃՏՊ Երեւանի կենտրոնում` մահվան դեպքով
Ռուսական գազի գինը Հայաստանի համար չի կարող թանկանալ
Բելգիայում բացվել է առաջին Թումո կենտրոնը
Փաշինյանի բոլոր որոշումներն արդեն ընդունված են. Վոլոդին
Ռոնալդինյոն ժամանել է Հայաստան
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Պատերազմում շրջադարձային պահ է, հայտարարել է Ուկրաինայի ԱԳ նախարարը
ԿԸՀ-ն ուժը կորցրած է ճանաչել «Բոլորին դեմ եմ»-ի պատգամավորի 7 թեկնածուի գրանցումը