Ատամնաբույժը դաժանաբար է վարվել մանկական ուղեղային կաթված ունեցող երեխայի հետ (տեսանյութ)
Ղազախստանում տարածվել է տեսանյութ, որում ատամնաբույժը դաժանաբար է վարվում մանկական ուղեղային կաթված ունեցող երեխայի հետ: Այս մասին տեղեկանում ենք ղազախական inAktau պորտալից:
Տեսանյութում երևում է՝ ինչպես է մայրը երկու երեխաների հետ մտնում ատամնաբուժարան: Սկզբում մայրը փորձում է որդու հետ պառկել ատամնաբուժական աթոռի վրա, սակայն ատամնաբույժի և բուժքրոջ հետ խոսելուց հետո դուրս է գալիս սենյակից:
Ատամնաբույժի հետ սենյակում միայնակ մնալով՝ երեխան սկսում է լաց լինել, սակայն ատամնաբույժը երեխային հանգստացնելու փոխարեն փորձում է ուժի դիմել: Նա վերցնում է փոքրիկ այցելուին և ուժով նստեցնում բազկաթոռի վրա, այնուհետև ինչ-որ իր է վերցնում և դրանով փորձում երեխային սպառնալ: Այս ամենը տեղի է ունենում երկու բուժքույրերի աչքի առջև, որոնք չեն էլ մտածում խոչընդոտել գործողությանը:
Միջադեպը տեղի է ունեցել նոյեմբերի 1-ին ղազախական Ակտաու քաղաքում: Ատամնաբուժական կլինիկա այցից հետո երեխայի մայրն ատամնաբույժի դեմ բողոքով ոստիկանություն է դիմել:
Նոյեմբերի 2-ին ատամնաբույժը ներողություն է խնդրել՝ փորձելով պարզաբանել իր գործողությունները:
«Երևում է, թե որքան ուժգին եմ ցնցել երեխային: Ես նրան չեմ ծեծել, սակայն ուժգին ցնցել եմ: Մի փոքր վախեցնում էի, որպեսզի երեխան նստեր ատամնաբուժական աթոռին: Այդ ամենն արվել է նրա ատամը հեռացնելու նպատակով: Ես ոչ ոքի վատը չեմ կամենում: Ես ի սրտե ներողություն եմ խնդրում ժողովրդից, երեխայի ծնողներից և հարազատներից»,- ասել է ատամնաբույժը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո