Վրաստանի վարչապետը հայտարարել է պետության եւ եկեղեցու դեմ նպատակաուղղված գրոհի մասին
Վրաստանի վարչապետ Գեորգի Գախարիան հայտարարել է «պետության եւ եկեղեցու դեմ նպատակաուղղված գրոհի մասին»՝ մեկնաբանելով սկանդալային իրադարձությունները, որոնք հետեւել են հոկտեմբերի 31-ին Սրբազան Սինոդի նիստին, տեղեկացնում է «Նովոստի-Գրուզիա»-ն։
Հինգշաբթի Սինոդը որոշում էր ընդունել զրկել Չկոնդիդի Պետրեին (Ցաավա) քահանայապետի հոգեւոր աստիճանից։ Նիստից հետո Ցաավան լրագրողներին ասել է, որ «արվամոլության եւ մանկապղծության մեջ է մեղադրում Վրաց Ուղղափառ եկեղեցուն»։ Այդ սկանդալային հայտարարությունները վերաբերել են անմիջապես Համայն Վրաց կաթղիկոս-պատրիարքին։ ՎՈւԵ մյուս քահանայապետերը Պետրեի մեղադրանքներն անվանել են զրպարտություն։ Հետագայում ընդդիմադիր շատ քաղաքական գործիչներ հայտարարել են Վրաց եկեղեցու ճգնաժամի մասին՝ պատահածի պատասխանատվությունը դնելով «Վրացական երազանք» կառավարող կուսակցության վրա։
«Իհարկե, որոշակի խմբեր, որոնք չեն ցանկանում երկրի հանգիստ ու խաղաղ զարգացումը, ջանում են տարբեր սադրանքների օգնությամբ վնաս հասցնել մեր երկրի վաղվա օրվան։ Նման փորձ մենք տեսանք որոշ ժամանակ առաջ, երբ մեզ համար ծրագրել էին հեղափոխական սցենար պետության եւ կառավարության հանդեպ։ Այսօր, հավանաբար, որոշել են ապակառուցողական գործողություններով անորոշություն մտցնել եկեղեցում։ Իհարկե, դա անթույլատրելի է, եւ մենք բոլորս լավ ենք հասկանում, որ Վրաստանի պատրիարքը եկեղեցու խորհրդանիշն է եւ պետականության խորհրդանիշը։ Ոչ պետությունում, ոչ եկեղեցում մենք ոչ մեկին թույլ չենք տա, որպեսզի նման ապակառուցողական գործողություններով ռիսկի ենթարկեն մեր վաղվա օրը եւ մեր երեխաների վաղվա օրը»,- այսօր ասել է Գախարիան Վրաստանի կառավարության նիստում։
Անհրաժեշտ է նշել, որ այսօր առավոտյան Վրաստանի վարչապետը հանդիպել է Համայն Վրաց կաթողիկոս-պատրիարք Իլյա Երկրորդի հետ։ ԶԼՄ-ների տվյալներով՝ հանդիպումը պատրիարքարանում տեւել է 10 րոպեից ոչ ավելի։ Գախարիան հեռացել է պատրիարքարանից՝ որեւէ մեկնաբանություն չտալով։
Համաձայն Սրբազան Սինոդի արձանագրության՝ Ցաավային արգելված է եկեղեցական գործունեություն վարել, նա հեռացվել է Չկոնդիդի թեմի առաջնորդությունից եւ Սինոդի անդամությունից։ Քահանայապետի հանդեպ ընդունված միջոցները Սինոդում բացատրել են կաթողիկոս-պատրիարքին բազմակի վիրավորանքներով եւ հաճախ հնչեցվող զրպարտչական հայտարարություններով»։
Աստվածաբանների կարծիքով՝ Սինոդի որոշումը նշանակում է, որ Պետրեն մնում է քահանայապետ, բայց ժամանակավորապես չի կարող սպասավորել եւ հաղորդություն տալ։ Սինոդի որոշումը ենթադրում է, որ քահանայապետը պետք է ինչ-որ ժամանակ վանքում աղոթքներ անի եւ ապաշխարի։
Սինոդի որոշմամբ՝ Չկոնդիդի թեմը ժամանակավորապես կգլխավորի Գրիգոլ (Կացիան), որը եղել է Ծալկայի եպիսկոպոսը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո