Սերգեյ Շոյգուն հանդիպել է Ալիեւի հետ
Ռուս-թուրքական հուշագիրը Սիրիայի վերաբերյալ, որը ստորագրվել է Սոչիում երկու պետությունների ղեկավարների կողմից, առանց դժվարության չի իրագործվում, բայց դա է հանրապետության ինքնիշխանությունը պահպանելու միակ միջոցը, ասել է ՌԴ պաշտպանության նախարար Սերգեյ Շոյգուն Ադրբեջանի նախագահ Իլհամ Ալիեւի հետ հանդիպման ժամանակ, տեղեկացնում է ՏԱՍՍ-ը։
«Հուշագիրը, որը ստորագրել են Թուրքիայի եւ Ռուսաստանի նախագահները, իրագործվում է ոչ առանց դժվարության, բայց տեսնում ենք, որ դա, հավանաբար, խաղաղություն հասատելու եւ Սիրիայի ինքնիշխանությունը պահպանելու միակ միջոցն է»,- ասել է Շոյգուն։
ՌԴ պաշտպանության նախարարը նշել է, որ «Ռուսաստանն այսօրվա դրությամբ ձեռք է բերել հսկայական փորձ միջազգային ահաբեկչության դեմ պայքարում։ «Փորձ, որը մենք պատրաստ ենք կիսել մեր գործընկերների հետ։ Դա վերաբերում է ե՛ւ միջազգային ահաբեկչության դեմ պայքարի հարցերին, ե՛ւ հումանիտար աջակցությանը՝ ականազերծմանը, բուժօգնությանը եւ շատ այլ բաների»,- թվարկել է նա։
Անդրադառնալով կոալիցիոն ռազմաշինությանը՝ Շոյգուն նշեց, որ օրակարգն այստեղ «բավական լայն է»։ «Համագործակցությունը զարգանում է ըստ պլանի, որը մենք միասին դիտարկում ենք եւ հաստատում»,- ասել է գերատեսչության ղեկավարը։
Ալիեւը չորեքշաբթի ընդունել է ԱՊՀ երկրների ռազմական գերատեսչությունների ղեկավարներին, որոնք ժամանել են Բաքու՝ մասնակցելու Համագործակցության երկրների պաշտպանության նախարարների խորհրդի նիստին։
Հոկտեմբերի 22-ին Ռուսաստանի եւ Թուրքիայի նախագահներ Վլադիմիր Պուտինը եւ Թայիփ Էրդողանը Սոչիում հանդիպման ժամանակ ընդունել են հուշագիր Սիրիայի հյուսիս-արեւելքում իրավիճակի կարգավորմանն ուղղված համատեղ գործողությունների մասին։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...