Արսեն Բաբայանին առաջադրված մեղադրանքներն անհիմն են

Հատուկ քննչական ծառայությունը որևէ մեկնաբանություն չի տվել, թե ինչու է համաներման տակ գտնվող հոդվածով՝ ՀՀ ՔՕ 314-րդ հոդվածի 1-ին մասի հատկանիշներով, նախ քրեական գործ հարուցվել, որը չպիտի հարուցվեր, հետո էլ դրա կատարման կասկածանքով ձերբակալել ԱԺ աշխատակազմի ղեկավարի նախկին տեղակալ Արսեն Բաբայանին: Նպատակ ունեն ստեղծել մի իրավիճակ, որ ինչ-որ մեկը յուրացրել է Սահմանադրական դատարանի լիազորությունները: Անհիմն է: Այս մասին Tert.am-ի հետ զրույցում ասաց Արսեն Բաբայանի պաշտպան Երվանդ Վարոսյանը:

Ինչ վերաբերում է երեկ տեղի չունեցած նիստին, որի ընթացքում պետք է քննվեր Արսեն Բաբայանին ձերբակալելու որոշման դեմ բողոքը, Երվանդ Վարոսյանն ասաց. «Կասկածյալին չեն ներկայացրել դատարան, ավելացրել են ևս մեկ հոդվա՝ՙ ՔՕ-ի 300-րդ հոդվածի առաջին մաս՝ իշխանության յուրացումն օժանդակելը, և մեղադրանք են առաջադրել: Բայց չէր կարող արվել ի հաշիվ դատական նիստի, որը պետք է տեղի ունենար 24 ժամվա ընթացքեւմ, իսկ մեղադրանք առաջադրելու համար վարույթն իրականացնող մարմինն ուներ դեռ 3 օր ժամանակ, կամ չպետք է արվեր ի հաշիվ դատական նիստի, ու դատարանն էլ չպիտի համաձայներ նման իրավիճակի հետ, այլ պիտի պնդեր, որ ձերբակալվածը ներկայացվի դատարան և ձերբակալման իրավաչափության հարցը քննարկման առարկա դառնար»:

Ինչ վերաբերում է մեղադրանքներին, ապա, Վարոսյանի խոսքով, երկուսն էլ իրականության հետ առնչություն չունեցող մեղարդանքներ են. «Գործ ունենք ձևական գործընթացի հետ, որի միակ նպատակն է ստեղծել մի իրավիճակ, իբր թե ինչ-որ մեկը յուրացրել է Սահմանադրական դատարանի լիազորությունները, ինչը իրական չէ, պարզապես չեմ ուզում հիմա իրավական հիմնավորումները թվարկել:
Սահմանադրական դատարանը կոլեգիալ մարմին է, գործում է իր լիազորությունների շրջանակներում, ու քանի այդ մարմինը կա, ու այդ մարմնի գործունեությունը չի դադարեցվել, որևէ այլ անձ կամ անձանց խումբ չի հռչակել, որ այսուհետ Սահմանադրական դատարանի լիազորությունները Սահմանադրությամբ իրենք են իրացնում, նման իշխանություն յուրացնելու մասին խոսք լինել չի կարող»:

Պաշտպանը նշեց, որ առանձին, 314-ով հարուցված քրգործի մասին ՀՔԾ-ն պարզաբանում չի տվել, ոչինչ չի բացատրել, դա ապօրինի է, ձերբակալելը՝ ևս. «ՀՔԾ-ի մտածածի մեխանիզմն անհնար է հասկանալ, իրավանական առոմով մեկնաբանելն ուղղակի անհնար է»:

Հիշեցնենք, որ ըստ ՀՔԾ-ի՝ քրեական օրենսգրքի 300-րդ հոդվածի 1-ին՝ իշխանությունը զավթելու մասով հարուցված քրեական գործի նախաքննության ընթացքում փաստական տվյալներ են ձեռք բերվել այն մասին, որ պաշտոնատար անձինք Սահմանադրական դատարանի նախկին նախագահ Գագիկ Հարությունյանի կողմից լիազորությունները վայր դնելու գործընթացում, խմբային շահերից ելնելով, անձամբ, ինչպես նաև պաշտոնատար անձ չհանդիսացող աշխատակիցների միջոցով կատարել են պաշտոնեական կեղծիքներ։

Նկատի ունենալով, որ բացահայտվել է առերևույթ կատարված նոր հանցագործության դեպք, Հատուկ քննչական ծառայությունում Քրեական օրենսգրքի 314-րդ հոդվածի 1-ին՝ պաշտոնական կեղծիք կատարելու մասով հարուցվել է նոր քրեական գործ, որը միացվել է իշխանությունը յուրացնելու դեպքի առթիվ հարուցված քրեական գործին: Այս գործը հարուցվել էր պատգամավոր Արման Բաբաջանյանի հաղորդման հիման վրա:

Այս թեմայով Մենք իրավունք չունենք նահանջելու և պարտավոր ենք մեր ջանքերն ամբողջությամբ գործադրել հանուն հզոր պետության և անվտանգ ապագայի. Արսեն Բաբայան Մեր հոռոմցի դատախազը չի պատրաստվում արդյո՞ք ուսումնասիրել այս առանձնատունն ու դրա սեփականատիրոջը Թուրք-ադրբեջանական ձեռագիրն է, թաքնվել կանանց ու երեխաների ետևում Մյուս ուժային կառույցները եւս չեն մնալու այս դավաճանական իշխանության հետ Անհնար է երեք անգամ շփոթել «չորս ամիս» և «փետրվար» եղելությունը