Էլիզաբեթ 2-րդի ամուսինն աշնան սկզբից կդադարի իրականացնել թագավորական պարտականությունները
Մեծ Բրիտանիայի թագուհի Էլիզաբեթ Երկրորդի ամուսինը՝ Էդինբուրգի դուքս Ֆիլիպն աշնանից կդադարի իրականացնել թագավորական պարտականությունները: Այս մասին հայտնում է BBC-ն՝ հղում անելով Բուքինգեմյան պալատին:
Բուքինգեմյան պալատի պաշտոնական հայտարարությունում ասվում է, որ մինչ օգոստոս նա կշարունակի իրականացնել իր պարտականություններն ավելի վաղ սահմանված ժամանակացույցի համաձայն՝ ինչպես անհատապես, այնպես էլ թագուհու հետ:
Հայտարարությունում նաև ասվում է, որ Ֆիլիպը չի ընդունի նոր հրավերներ, սակայն ժամանակ առ ժամանակ կայցելի որոշ հրապարակային միջոցառումների: Դուքսն ավելի քան 780 կազմակերպությունների հովանավոր, նախագահ կամ անդամ է: Նա առաջվա պես կապված կլինի այդ կազմակերպությունների հետ, սակայն այլևս ակտիվ դեր չի խաղա դրանց գործունեությունում:
Նշվում է, որ որոշումն անձամբ կայացրել է արքայազն Ֆիլիպը, իսկ թագուհին աջակցել է ամուսնու որոշմանը:
Հայտնի է, որ հունիսին Էդինբուրգի դուքսն 96 տարեկան կդառնա:
Էլիզաբեթ Երկրորդը կշարունակի իրականացնել պաշտոնական գործերի ամբողջական ծրագիրը թագավորական ընտանիքի մյուս անդամների աջակցությամբ:
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
ԱՄՆ ցամաքային զորքերի շտաբի պետը հրաժարական է տվել
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը