Էրդողանը հայտարարել է, որ չի մոռանա Թրամփի «անհարգալից» նամակը
Թուրքիայի նախագահ Ռեջեփ Թայիփ Էրդողանը հայտարարել է, որ չի մոռանա ԱՄՆ նախագահ Դոնալդ Թրամփից ստացած «քաղաքավարության հետ ոչ մի կապ չունեցող» նամակը, սակայն այդ հարցը ներկայումս օրակարգում չկա: Այս մասին տեղեկացնում է Հուրրիյեթ լրատվականը:
Թրամփը հոկտեմբերի 9-ին՝ Սիրիայում Թուրքիայի օպերացիայի սկսվելու օրը, նամակ էր գրել Էրդողանին՝ կոչ անելով վերջինիս հիմար չլինել և ամբողջ աշխարհին հուսախաբ չանել:
«Իհարկե, մենք չենք մոռացել Թրամփի նամակը, որը ոչ մի կապ չունի քաղաքավարության հետ: Բայց մեր փոխադարձ հարգանքը թույլ չի տալիս այդ հարցը պահել օրակարգում: Դա մեզ համար առաջնահերթություն չէ: Սակայն երբ ժամանակը գա, կարվի այն, ինչ պետք է»,-ասել է Էրդողանը իր ստամբուլյան ելույթում:
Հիշեցնենք, որ ԱՄՆ փոխնախագահ Մայք Փենսի, պետքարտուղար Մայք Պոմպեոյի և Թուրքիայի նախագահ Ռեջեփ Թայիփ Էրդողանի միջև հինգշաբթի կայացած բանակցությունների արդյունքում համաձայնություն է ձեռք բերվել Սիրիայում կրակի դադարեցման շուրջ: Ըստ հայտարարության՝ Թուրքիան 120 ժամով կդադարեցնի Սիրիայում սկսած իր ռազմարշավը, որպեսզի քրդական զորամիավորումները դուրս բերվեն Սիրիայի հետ սահմանին ստեղծվող անվտանգության գոտուց:
Հոկտեմբերի 9-ին Թուրքիան հայտարարել էր Սիրիայի հյուսիսում «Խաղաղության ակունք» գործողության մեկնարկի մասին, որն ուղղված է «Քրդստանի աշխատավորական կուսակցության» և «Իսլամական պետություն» ահաբեկչական խմբավորման դեմ: Թուրքական ավիացիան հենց նույն օրը հարվածներ էր հասցրել երկու երկրների սահմանին գտնվող Ռաս ալ Այն և Սիրիայի մի շարք այլ քաղաքների:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...