Գուտերեշը կոչ է արել դադարեցնել լրագրողների հետապնդումները
ՄԱԿ-ի գլխավոր քարտուղար Անտոնիու Գուտերեշը Մամուլի ազատության համաշխարհային օրվա կապակցությամբ իր պաշտոնական տեսաուղերձում կոչ է արել վերջ տալ լրագրողների հետապնդումներին, քանի որ խոսքի ու մամուլի ազատությունը նպաստում են բոլորի խաղաղությանն ու արդարությանը, փոխանցում է ՌԻԱ Նովոստին։
«Որպեսզի ձայնի իրավունք ձեռք բերեն նրանք, ովքեր զուրկ են դրանից, լրագրողներին ուղարկում են աշխարհի ամենավտանգավոր վայրեր։ Լրատվամիջոցների աշխատակիցները դառնում են զրպարտության ու սեռական բռնության զոհեր, նրանց կալանավորում են, կտտանքների ենթարկում ու նույնիսկ սպանում։ Անհրաժեշտ է, որ երկրների առաջնորդները պաշտպանեն լրատվամիջոցների ազատությունը։ Առանց դրա հնարավոր չէ վերջ տալ ապատեղեկատվությանը։ Բայց նաեւ անհրաժեշտ է, որ հանուն ճշմարտության իրավունքի պայքարի մեզնից յուրաքանչյուրը։ Այսօր՝ Մամուլի ազատության համաշխարհային օրը, ես կոչ եմ անում վերջ տալ լրագրողների հետապնդումներին, քանի որ խոսքի ու մամուլի ազատությունը նպաստում է խաղաղությանն ու արդարությանը։ Եթե մենք պաշտպանենք լրագրողներին, նրանց ռեպորտաժները կկարողանան փոխել այս աշխարհը»,- ասել է Գուտերեշը Մոսկվայում ՄԱԿ տեղեկատվական կենտրոնում տեղի ունեցող միջոցառման ընթացքում ցուցադրված տեսաուղերձում։
Այս տարի Մամուլի ազատության օրը նշվում է հետեւյալ կարգախոսով՝ «Կրիտիկական մոտեցումները կրիտիկական պահերին՝ լրատվամիջոցների դերը խաղաղ, արդար ու ներառական հասարակության առաջ մղման գործում»։
news.am
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
ԱՄՆ ցամաքային զորքերի շտաբի պետը հրաժարական է տվել
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը