Թրամփը գոռացել է լրագրողի վրա Ուկրաինայի վերաբերյալ հարցի համար (տեսանյութ)

ԱՄՆ նախագահ Դոնալդ Թրամփը կտրուկ է արձագանքել Reuters-ի լրագրողի՝ Ուկրաինայի նախագահի հետ ունեցած հեռախոսազրույցի վերաբերյալ հարցին, Корреспондент-ի փոխանցմամբ՝ հայտնել է Reuters-ը:

Թրամփի ձայնը բարկությունից բարձրացել է, և նա ողջ զայրույթը թափել է լրագրողի վրա: Վերջինը հարցրել էր Թրամփին, թե ինչ է նա պահանջել Զելենսկիից, երբ իմացել է Ջո Բայդենի որդու՝ Հանթեր Բայդենի՝ Ուկրաինայի հետ ունեցած գործարար կապերի մասին:

«Դա կեղծիք է, և դուք լավ գիտեք, թե ով է այդ կեղծիքը տարածում՝ Ձեր նմաններն ու մյուս «ֆեյքերը», որոնք կան այս երկրում», - պատասխանել է Թրամփը՝ բարձր ձայնով:

Նշվում է, որ հարցադրման ընթացքում Թրամփը լրագրողին խնդրել է կոպիտ չլինել և մի քանի անգամ փորձել է խուսափել հարցին պատասխանելուց:

Հիշեցնենք, որ Զելենսկիի հետ Թրամփի հեռախոսազրույցը սկանդալ էր առաջացրել ամերիկյան քաղաքական շրջանակում, որից հետո Ներկայացուցիչների պալատի խոսնակ Նենսի Փելոսին հայտարարել էր իմպիչմենտի գործընթաց սկսելու մասին:

President Trump lashed out at @Reuters reporter @jeffmason1, who asked him what he wanted Ukrainian President Volodymyr Zelenskiy to do when Trump brought up the business ties to Ukraine of Hunter Biden, son of Joe Biden https://t.co/3aiSLeOfBL pic.twitter.com/AQF3dpkChs

— Reuters Top News (@Reuters) October 2, 2019