Պուտին - Փաշինյան զրույցի հետևանքները տեսանելի կլինեն ոչ հեռավոր ապագայում
«Մեկ Հայաստան» կուսակցության հիմնադիր Արթուր Ղազինյանը ֆեյսբուքյան իր էջում գրառում է կատարել՝ անդրադառնալով երեկ՝ հոկտեմբերի 1-ին Երևանում տեղի ունեցած կարևոր իրադարձություններին։ Գրառումն ամբողջությամբ ներկայացնում ենք ստորև․
«Մի քանի դիտարկում երեկ Երևանում տեղի ունեցած կարևոր իրադարձությունների վերաբերյալ։
1. ԵԱՏՄ բարձրագույն խորհրդի նիստը.
Որքան էլ որ Հայաստանի նոր իշխանությունները փորձեն ներկայացնել այս իրադարձությունը որպես «հայկական հեղափոխության» ձեռքբերում, ստիպված եմ հիասթափեցնել նրանց, քանի որ Երևանը որպես նիստի վայր ընտրված էր ոչ այն պատճառով, որ ԵԱՏՄ պետությունների ղեկավարները ցանկանում էին սեղմել Նիկոլ Փաշինյանի ձեռքը, այլ զուտ այն պատճառով, որ Հայաստանը ներկայումս նախագահում է այդ կառույցում և ընդունված կարգի համաձայն Բարձրագույն խորհրդի նիստերը անց են կացվում նախագահող պետությունում։ Հետևաբար հորդորում եմ իշխանական քարոզիչներին մեր քաղաքացիներին ներկայացնել ճշմարտությունը։
2, Իրանի և Սինգապուրի ղեկավարների այցը Հայաստան.
Իրանի և Սինգապուրի ղեկավարների այցը Հայաստան առավելապես պայմանավորված էր ԵԱՏՄ Բարձրագույն խորհրդի նիստին մասնակցելու հանգամանքով, կազմակերպված էր ՌԴ Նախագահի կողմից, և քիչ առնչություն ուներ Հայաստանի նոր իշխանությունների վարած հմուտ» արտաքին քաղաքականության հետ.
3. Պուտինի այցը Հայաստան
Պուտինի Հայաստան այցը կայացավ երկու հիմնական պատճառով.
1. ԵԱՏՄ Պուտինի համար ունի գերակա կարևորություն ու նշանակություն, և նա չէր անի որևէ քայլ, որը կվնասեր այս կազմակերպության միջազգային հեղինակությանը;
2. Հայաստանի և Հայ ժողովրդի նկատմամբ նրա ունեցած հարգանքը։ Սա առավել քան կարևոր պատճառ էր, քան որ օրակարգում դրված էր նիստը Մոսկվա տեղափոխելու հարցը։
4. Հայ - Ռուսական հարաբերությունները
Հայ - Ռուսական հարաբերությունները ներկայումս գտնվում են ճգնաժամային վիճակում, որի պատճառների մասին խոսել եմ բազմիցս։
Դրա վառ վկայությունն է Փաշինյանի այն միտքը, որ «Պուտինի հետ ունեցել է հետաքրքիր զրույց»։
Հարկ է նշել, որ պետությունների ղեկավարները «զրույց» չեն ունենում, այլ ունենում են օրակարգի հարցերի վերաբերյալ քննարկում կամ էլ բանակցություններ։
Այստեղից պարզ է դառնում, որ Պուտինի այցը Հայաստան չի ունեցել երկկողմ օրակարգ, և բացառապես նպատակ է ունեցել ԵԱՏՄ Բարձրագույն խորհրդի նիստի մասնակցությունը։
Իսկ Պուտին - Փաշինյան զրույցի հետևանքները տեսանելի կլինեն ոչ հեռավոր ապագայում»։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս