Ավստրալացի հետազոտողը թույլ է տվել պիթոնին խայթել իրեն՝ հանուն փորձարկման (լուսանկարներ, տեսանյութ)

Ավստրալացի գիտնական Ադամ Թորնը փորձարկման ժամանակ թույլ է տվել հսկայական պիթոնին խայթել իրեն: Այս մասին գրում է The Sun-ը:

Տեսահոլովակում Թորնը պաշտպանական դիմակով մոտենում է և ձեռքը մեկնում սողունին: 1,8 մետրանոց պիթոնը խայթում է ձեռքը՝ թողնելով խորը արյունոտ հետքեր:

Ավստրալացին ցավից գոռացել է: Հոլովակի վերջին վայրկյաններին կենդանիներ վարժեցնող Ռոբ Ալլևան հետ է քաշել սողունին:

Փորձն արվել է «Ցավի արքաները» հաղորդման համար: Ալլևան և Թորնը ճանապարհորդում են աշխարհով և միտումնավոր իրենց ենթարկում վտանգավոր կենդանիների ու միջատների հարձակմանը: Նրանք մշակել են դիմացկունության և ցավի տևողության գնահատման 30 բալանոց համակարգ:

Այս փորձարկումների միջոցով նրանք ցույց են տալիս մարդկանց, թե որ կենդանիներից պետք է զգուշանալ: Մինչ այս նրանք նկարահանել էին հաղորդումներ նեղոսյան մողեսի, այլ վտանգավոր կենդանիների մասին:

Պիթոնը ոչ թունավոր օձ է, որի երկարությունը հասնում է 1-ից 7 մետրի: Որպես կանոն այս սողունները սնվում են կաթնասուններով, թռչուններով և խոշոր մողեսներով՝ զոհին ամբողջությամբ կուլ տալով: Կարող են առանց սնունդ մնալ մինչև 1,5 տարի:

Տեսանյութը կարող եք դիտել այստեղ: