Ուկրաինան, Բրիտանիան ու Կանադան դիտորդական թռիչք են իրականացնելու Ռուսաստանի ու Բելառուսի երկնքում
Կանադայի, Մեծ Բրիտանիայի ու Ուկրաինայի համատեղ առաքելությունը մայիսի 2-ից 6-ը կիրականացնեն դիտորդական թռիչք Բելառուսի ու Ռուսաստանի երկնքում՝ Բաց երկնքի պայմանագրի շրջանակում։ Այս մասին հայտնել է Միջուկային վտանգի նվազեցման ռուսաստանյան կենտրոնի ղեկավար Սերգեյ Ռիժկովը, գրում է ՌԻԱ Նովոստին։
«Բաց երկնքի պայմանագրի իրականացման շրջանակում մայիսի 2-6-ը Կանադայի, Մեծ Բրիտանիայի եւ Հյուսիսային Իռլանդիայի եւ Ուկրաինայի համատեղ առաքելությունը դիտորդական թռիչք կիրականացնի Բելառուսի ու Ռուսաստանի երկնքով կանադական C130-J դիտորդական օդանավով»,- ասել է Ռիժկովը։
Նա նշել է, որ համաձայնեցված երթուղով թռիչքի ժամանակ ռուս մասնագետները C130-J օդանավում հսկելու են թռիչքի պարամետրերի խիստ պահպանումը ու պայմանագրով նախատեսված սարքավորման կիրառումը։
Բաց երկնքի պայմանագիրը ստորագրվել է 1992-ին, սառը պատերազմից հետո Եվրոպայում վստահության ամրապնդմանն ուղղված միջոցառումների շրջանակում։ Այն թույլ է տալիս մասնակից երկրներին բացահայտ տեղեկություններ հավաքել մեկը մյուսի զինված ուժերի մասին։ Պայմանագրի անդամներ են ՆԱՏՕ-ի երկրների մեծ մասը, Ռուսաստանը, Բելառուսը, Ուկրաինան, Վրաստանը, Բոսնիան ու Հերցոգովինան ու չեզոք Շվեդիան ու Ֆինլանդիան։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
ԱՄՆ ցամաքային զորքերի շտաբի պետը հրաժարական է տվել
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը