Տեղամասերից մեկում, որտեղ հաղթել է Լը Պենը, քվեարկության արդյունքները չեն հաշվել
Ֆրանսիայում ապրիլի 23-ին կայացած նախագահական ընտրությունների առաջին փուլի արդյունքում նախագահի պաշտոնի համար պայքարը կշարունակեն «Հառաջ» շարժման հիմնադիր Էմանուել Մակրոնը (24,01 տոկոս) եւ «Ազգային ճակատ» կուսակցության առաջնորդ Մարին Լը Պենը (21,30 տոկոս)։ Ընտրությունների երկրորդ փուլը տեղի կունենա մայիսի 7-ին։
Երկրի Սահմանադրական խորհուրդը, որը հաստատում է ընտրությունների արդյունքները, որոշում է կայացրել չեղյալ հայտարարել Սենա դեպարտամենտի Լուան Վիլգրյուի Ֆոնտեն փոքր կոմունայի եւ Փարիզից հարավ-արեւելք ընկած Մարնա բնակավայրի բնակիչների քվեները։ Այդ ավանում բնակվում է 500 մարդ, որոնց մեծ մասը քվեարկել է Մարին Լը Պենի օգտին։
Նման որոշման պաշտոնական հիմնավորումն այն է, որ քաղաքապետը, ով նաեւ տեղի ընտրական հանձնաժողովի ղեկավարի պարտականությունները կատարողն է, պրեֆեկտուրա չի ներկայացրել քվեարկության ամփոփիչ արձանագրությունը, քանի որ այն կնքված չի եղել։
Քաղաքապետարանն արդեն պաշտոնապես ներողություն է խնդրել բնակիչներից նման սխալի համար, սակայն ընտրողները դժգոհություն են հայտնում, որ իրենց ձայնը չի հաշվարկվել եւ ապշած են, թե ինչպես ընտրական հանձնաժողովը կարող էր նման բան թույլ տալ։
Սոցիոլոգիական հարցումների համաձայն, Մակրոնը կարող է հաղթել ընտրությունների երկրորդ փուլում՝ ստանալով ընտրողների 60 տոկոսի աջակցությունը։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
ԱՄՆ ցամաքային զորքերի շտաբի պետը հրաժարական է տվել
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը