Հայկ Հարությունյանի ողբերգությունը` ճակատագրական վկայից մինչև նոր ինքնասպանության ռիսկ
Hayeli.am և armlur.am կայքերը տեղեկություն են հրապարակել, որ նախկին ոստիկանապետ Հայկ Հարությունյանը մահվան պահին միայնակ չի եղել, սպանության դեպքին նաև վկաներ կան, գրում է hayeli.am-ը:
Ես գեներալ մարդ եմ, էսօր ինձ խայտառակում են: Արժանապատիվ մարդ եմ, արժանապատիվ գեներալ: Հիմա իմ ողջ կյանքի արածը ջուրն է ընկնում: Սրանք ՀՀ նախկին ոստիկանապետ Հայկ Հարությունյանի վերջին խոսքերն են: Եվ ինչպես armlur.am-ի հավաստի աղբյուրներն են փոխանցում, Հայկ Հարությունյանը մահվան պահին միայնակ չի եղել: Իր զրուցակցի հետ Բջնիի առանձնատանը երկար-բարակ խոսել է իր անցած ճանապարհից, գործունեության տարիներից, այն մասին, թե ինչպես է կարողացել տարիներ շարունակ մաքուր ապրել, իր երկրում պարզ ճակատով քայլել, բայց, արի ու տես, այսօր նրան անարգանքի սյունին են գամում, սև բիծ են քաշում կենսագրության վրա, և իրեն սպառնում են խայտառակությունը, անպատիվ վախճանը:
Աղբյուրի տեղեկություններով՝ Հայկ Հարությունյանն իր մահվան ականատեսին (անունը հասկանալի պատճառներով չենք հրապարակում) գանգատվել է, թե՝ ախր ինչպե՞ս չեն հասկանում, որ այս ամեն ինչում, Մարտի 1-ի թեմայում Ռոբերտ Քոչարյանը, Գեղամ Պետրոսյանը ու բազում այլ մարդիկ առնչություն չունեն: «Էս ի՞նչ են անում, ինչո՞ւ են մեր նկատմամբ էսպես վարվում»,- ասել է նախկին բարձրաստիճան պաշտոնյան և ինքն իրեն գլխի շրջանում մահացու հրազենային վիրավորում հասցրել:
Hayeli.am-ի ունեցած տեղեկություններով՝ դեպքը տեղի է ունեցել վկաների ներկաjությամբ: Հայկ Հարությունյանը ներկաներին ասել է. «Գլխավոր դատախազն ու Սասուն Խաչատրյանը կյանքս կերան. էս մի քանի ամիս է, ինձ պարտադրում են սուտ ցուցմունք տալ Ռոբերտ Քոչարյանի և Գեղամ Պետրոսյանի դեմ, ախր նրանք մեղավոր չեն»:
Արձագանքելով այս տեղեկություններին` ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը ՖԲ էջում գրել է, որ Հայկ Հարությունյանի մահվան դեպքի հանգամանքները պարզելու նպատակով հարցաքննվել է դեպքի վայրում նրա հետ գտնված անձը. «Վերջինս հայտնել է Հայկ Հարությունյանի հետ ունեցած խոսակցության բովանդակությունը, որը առնչություն չի ունեցել Մարտի 1-ի դեպքերի առթիվ քննվող քրեական գործի շրջանակներում նրա վրա ճնշումներ գործադրելուն և, առհասարակ, որևէ անձի կողմից ճնշումներ գործադրելուն:Քննչական կոմիտեն հայտարարում է, որ «Hayeli.am» կայքում հրապարակված լուրը չի համապատասխանում իրականությանը:
Լրատվամիջոցին հորդորում ենք զերծ մնալ չճշտված տեղեկություններ հրապարակելուց»,- գրել է նա:
Քննչական մարմինները, փաստորեն, այս պարագայում գործել են արագ և օպերատիվ: Դժվար չէ հասկանալ, սակայն, որ վկան հարցաքննության ժամանակ հազիվ թե հաստատեր այդ կարգի լրատվության իսկությունը: Նման տեղեկությունները, որպես կանոն, շատ արագ չեն հաստատվում, հատկապես հիմա, երբ Մարտի 1-ի գործին առնչվող բոլոր հնարավոր շրջանակների վրա ճնշումները գոնե պետական քաղաքական գործընթացի առումով ակնհայտ են: Պետք չէ հետաքննիչ լինել` հասկանալու համար, որ որևէ վկա, առանց անվտանգության հստակ երաշխիքների, որևէ իրական ցուցմունք ուղղակի չի տա: Հակառակ պարագայում հարցականի տակ կդրվի տվյալ մարդու կյանքը` ճակատագրի շրջադարձին թողնելով սպանության կամ ինքնասպանության նոր ողբերգությունը: Եթե խոսովում է այն մասին, որ ՀՔԾ-ն ճնշումներ է գործադրել Հայկ Հարությունյանի վրա, կնշանակի այդ նույն ճնշումներն ավելի լայն թափով կգործադրվեն նաև վկայի նկատմամբ, եթե նա համարձակվի նման վկայություն տալ: Հաստատել այդ տեղեկությունը, կնշանակի հայտնվել նույն ՀՔԾ-ի, դատախազության հրեշավոր ճիրաններում` դրանից բխող բոլոր վտանգներով:
Ինչպես հայտնի է, Հայկ Հարությունյանը 2008 թվականի մարտի 1-ի դեպքերի ժամանակ զբաղեցնում էր ՀՀ ոստիկանության պետի պաշտոնը: armlur.am-ի աղբյուրին հայտնի է դարձել, որ վերջին շրջանում Հայկ Հարությունյանին հաճախ են հրավիրել հատուկ քննչական ծառայություն՝ ցուցմունք վերցնելու, հարցաքննելու:
Չէի սպասում նման բան. Յուրի Խաչատուրովը՝ Հայկ Հարությունյանի մասին
Դեպքին նախորդող օրը որևէ անձ Հայկ Հարությունյանի առանձնատուն չի մտել. ՔԿ–ն նոր մանրամասներ է հայտնում
Հայկ Հարությունյանի հոգեհանգիստը տեղի կունենա վաղը
Կորած 14-ամյա Հայկին երեւանյան խաչմերուկում նկատելու մասին ԱԻՆ-ում ահազանգ է եղել
Կորած երեխային նկատել են Վաղարշյան փողոցում` «Կրպակ» սուպերմարկետի մոտ