Թբիլիսիում փոթորիկի հետևանքով տասնյակ շենքերի տանիքներ են պոկվել, ծառեր արմատախիլ եղել (լուսանկարներ)

Վրաստանում 27 մ/վայրկյան արագությամբ շարժվող փոթորկոտ քամին պոկել է շենքերի տանիքները, վնասել էներգահաղորդման գծերը: Ինչպես հաղորդել է երկրի Հանրային հեռուստատեսությունը, անբարենպաստ եղանակային պայմանները նախօրեին ավերածություններ են գործել Թբիլիսի և Ռուսթավի քաղաքներում:

Վրաստանի ՆԳՆ արտակարգ իրավիճակների կառավարման ծառայության տվյալներով՝ մայրաքաղաքում հսկա ծառն ընկել է երկու տղամարդկանց վրա: Նրանք հոսպիտալացվել են:

Թբիլիսիից 11 կմ հեռավորությամբ գտնվող Ռուսթավի քաղաքում քամին պոկել է 15 բնակելի շենքերի տանիքները, բազմաթիվ ծառեր են արմատախիլ եղել՝ վնասելով էլեկտրահաղորդման գծերը, կայանված ավտոմեքենաները, տեղ-տեղ էլ արգելափակելով ճանապարհային երթևեկությունը:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք