Վրաստանը նախընտրում է ադրբեջանական գազը
Իրանից Վրաստան գազամատակարարումը տեսականորեն հնարավոր է, և դրա համար կան անհրաժեշտ ենթակառուցվածքներ, սակայն պետական ընկերությունների միջև այդ պայմանագրերը չեն կնքվել: Այդ մասին ադրբեջանական «Թրենդ» գործակալությանը հայտնել է Վրաստանի էներգետիկայի նախարարի տեղակալ Մարիամ Վալիշվիլին:
«Իրանական կողմը պատրաստակամություն է հայտնում գազ մատակարարել վրացական շուկա: Բայց մենք նախընտրությունը տալիս ենք ադրբեջանական գազին, քանի որ դա մեր շուկա ամենաօպտիմալ մատակարարն է»,- ասել է Վալիշվիլին:
Միևնույն ժամանակ, փոխվարչապետի խոսքով, համաձայն Վրաստանի օրենսդրության, նման պայմանագրեր կարող են կնքել նաև մասնավոր ընկերությունները, եթե նրանք որոշեն, որ իրանական մատակարարումներն ընդունելի են տնտեսական տեսանկյունից:
«Այդպիսի մատակարարումների համար ոչ մի սահմանափակում չկա»,- ասել է նա՝ հավելելով, սակայն, որ Վրաստանի խողովակաշարերի համակարգը պետության հսկողության տակ է, և մասնավոր ընկերությունները պետք է համապատասխան պայմանագրերը ներկայացնեն կառավարությանը՝ երկրի տարածքով գազի տեղափոխման ծառայություններ ստանալու համար: Նրա խոսքով՝ կա տեղեկատվություն, որ Վրաստանի կոմերցիոն սուբյեկտներից մեկն իրանական գազի մատակարարման վերաբերյալ պայմանագիր է կնքել 2016 թվականին, սակայն այդ պայմանագիրը մինչ այժմ ներկայացված չէ երկրի կառավարությանը:
Նրա խոսքով՝ տեսականորեն հնարավոր է իրանական գազը մատակարարել Վրաստան Ադրբեջանով, կան Իրանից Ադրբեջան և Ադրբեջանից Վրաստան խողովակաշարեր:
«Հնարավոր են նաև սվոպ-մատակարարումներ, այսինքն՝ պայմանագիրը կնքվում է Իրանի հետ, բայց Վրաստան իրական գազը մատակարարվում է Ռուսաստանից, իսկ Իրանը դրա դիմաց գազ է մատակարարում Հայաստանին՝ Ռուսաստանի հետ փոխադարձ հաշվարկներ անելով: Բայց այդպիսի մատակարարումներ իրականացնելու համար անհրաժեշտ է համաձայնություն չորս երկրների միջև: Նման բանակցություններ չեն տարվում: Երբ մենք ստանանք պայմանագիրը, մենք այն կդիտարկենք և որոշում կկայացնենք»,- ասել է Վալիշվիլին:
Անցած շաբաթվա վերջին Իրանի ԱԳՆ-ի ԱՊՀ-ի և Կովկասի երկրների հարցերով վարչության ղեկավար Ղոլամռեզա Բաղերի Մողադամը Թբիլիսի կատարած այցի արդյունքներով հայտարարել է, որ մեկ ամսվա ընթացքում կիրականացվի Վրաստան իրանական գազի արտահանման վերաբերյալ նախկինում կնքված գործարքը:
Վալիշվիլիի խոսքով՝ անգամ եթե իրանական գազի գնումների մասին պայմանագիրը մոտ օրերս ներկայացվի Վրաստանի կառավարություն, քիչ հավանական է, որ մեկ ամսվա ընթացքում կհաջողվի որոշել գազի փոխադրման ապահովման համար բոլոր հարցերը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը