ՄԱԳԱՏԷ․ Հյուսիսային Կորեան առաջ է գնացել իր միջուկային ծրագրի զարգացման գործում
Ամեն ինչ վկայում է այն մասին, որ Հյուսիսային Կորեան առաջ է գնացել իր միջուկային ծրագրի զարգացման գործում։ Այս մասին այսօր Վիեննայում հայտնել է ՄԱԳԱՏԷ-ի ղեկավար Յուկիա Ամանոն։
«Մենք ստուգումներ ենք իրականացնում 181 երկրներում, տեսուչներ ուղարկում այնտեղ, որպեսզի համոզվենք, որ պետությունները միջուկային զենքի գաղտնի մշակումներով չեն զբաղվում։ Մենք առաջադեմ տեխնոլոգիաներ ենք օգտագործում, որոնք մեզ թույլ են տալիս հայտնաբերել միջուկային նյութի նույնիսկ մանրագույն մասնիկները»,- ասել է Յուկիա Ամանոն։
Նա լուրջ մտահոգություն է հայտնել Փհենյանի միջուկային ծրագրի կապակցությամբ, հիշեցնելով, որ անցած տարի այդ երկիրը երկու միջուկային փորձարկում է իրականացրել։ Բացի դրանից Փհենյանը շարունակում է փորձարկումները ու սպառնում մյուս երկրներին։
Երբ Հյուսիսային Կորեան հայտնել է, որ դուրս է գալիս Միջուկային զենքի չտարածման մասին պայմանագրից, ՄԱԳԱՏԷ-ի տեսուչները ստիպված են եղել լքել այդ երկիրը 2009-ին։
«Առանց ուղիղ մուտքի հնարավորության՝ ՄԱԳԱՏԷ-ն չի կարող գնահատել Հյուսիսային Կորեայի միջուկային օբյեկտների իրական վիճակը, պարզել, թե ինչ է այնտեղ կատարվում։ Սակայն ամեն ինչ վկայում է այն մասին, որ Հյուսիսային Կորեայի միջուկային ծրագիրը առաջ է շարժվել»,- ասել է ՄԱԳԱՏԷ-ի ղեկավարը։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
ԱՄՆ ցամաքային զորքերի շտաբի պետը հրաժարական է տվել
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը