Նյու–Յորքում ադրբեջանցի դիվանագետի կնոջը մեղադրել են գողության մեջ
Ադրբեջանցի դիվանագետի կինը՝ Մեհրիբան Ջաբրաիլովան փորձել է գողություն կատարել Բրոնքսի «Marshalls» խանութից,– հաղորդում է «Daily News»-ը։
Տեղեկատվության համաձայն՝ Ադրբեջանի դեսպանատան առաջին քարտուղար Ֆարիդ Ջաբրաիլովի 29-ամյա կինը փորձել է մանկասայլակով 188 ԱՄՆ դոլարի ապրանք դուրս հանել եւ բռնվել է խանութի անվտանգության աշխատակիցների կողմից։
Մեհրիբան Ջաբրաիլովան հաղորդել է ոստիկաններին, որ ինքը դիվանագետի կին է եւ անձեռնմխելիության կարգավիճակ ունի։
Այն բանից հետո, երբ ոստիկանները ճշտել են բերման ենթարկվածի կարգավիճակը, նրան ազատ են արձակել։ Ինչպես գրում է ամերիկյան պարբերականը, դիվանագիտական իմունիտետը սովորաբար տարածվում է նաեւ դիվանագետների կանանց եւ ամուսինների վրա։
Թերթը գրում է, որ նման դեպքերում ոստիկանությունը դիմում է Պետդեպարտամենտ, որպեսզի չեղարկի դիվանագետի անձեռնմխելիությունը։
Պետդեպարտամենտը այս կապակցությամբ որեւէ մեկնաբանություն չի արել։
Մեհրիբան Ջաբրաիլովայի ամուսինը՝ Ֆարիդը, ասել է, որ իր կնոջը բերման ենթարկելու մասին լուրերը իրականությանը չեն համապատասխանում։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
ԱՄՆ ցամաքային զորքերի շտաբի պետը հրաժարական է տվել
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը