Թուրքիայի ներքին գործերի նախարարը սպառնացել է «խիստ վշտացնել» Ստամբուլի քաղաքապետին
Թուրքիայի ներքին գործերի նախարարը սպառնացել է «խիստ վշտացնել» Ստամբուլի քաղաքապետին, քանի որ վերջինս սատարել է երեք քուրդ քաղաքապետերին, որոնց ահաբեկիչների հետ կապերի պատճառով փոխարինել են պետական պաշտոնյաներով, տեղեկացնում է Reuters-ը։
Օգոստոսին Քրդական աշխատավորական կուսակցության հետ կապերի մեղադրանքով պաշտոնից հեռացվել էին Դիարբեքիրի, Վանի եւ Մարդինի քաղաքապետերը։ Նույն պատրվակով ձերբակալվել էր 400 մարդ։
Ստամբուլի քաղաքապետ Էքրեմ Իմամօղլին այդ քայլն անվանել էր անօրինական եւ հակաժողովրդավարական ու կոչ էր արել չեղարկել այն։ Հանգստյան օրերին նա այցելել էր Դիարբեքիր եւ հանդիպել հեռացված քաղաքապետերից երկուսի հետ։
Ներքին գործերի նախարար Սուլեյման Սոյլուն ասել է, որ երեք քաղաքապետերի ազատումը համապատասխանել է օրենքին, ապա հավելել է․ «Իմացի՛ր քո տեղը եւ քո սահմանները»։ «Եթե դուք խառնվեք այն գործերին, որոնք ձեր աշխատանքին չեն վերաբերում, մենք ձեզ խիստ կվշտացնենք»,- ասել է նա։
Մեկ շաբաթ առաջ Իմամօղլին հայտարարել էր, որ Ստամբուլի քաղաքապետարանը չեղարկել է իշխող «Արդարություն եւ զարգացում» կուսակցությանը սատարող մի քանի հիմնադրամներին 350 մլն լիրի (61 մլն դոլար) տրամադրման որոշումը։
Թուրքիայի նախագահ Ռեջեփ Թայիփ Էրդողանը ավելի վաղ ասել էր, թե իր կառավարությունը կփոխի նաեւ այլ քաղաքապետերի, եթե պարզվի, որ նրանք կապված են ահաբեկիչների հետ։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...