Հռոմի պապը կոչ է արել համաշխարհային առաջնորդներին ավելի համեստ լինել
Հռոմի պապ Ֆրանցիսկոսը տեսաձայնային ուղերձով դիմել է համաշխարհային առաջնորդներին՝ կոչ անելով նրանց ավելի համեստ լինել ու սրտացավություն դրսևորել:
«Դուք ազդեցիկ եք ու հզոր, ուստի՝ պետք է ձեր դիրքն օգտագործեք մարդկանց կյանքը հեշտացնելու համար, ինչպես նաև պարտավոր եք համեստ լինել: Եթե այդպես չվարվեք, ձեր իշխանությունը կոչնչացնի ոչ միայն ձեզ, այլև մյուսներին:
Մարդկության ապագան ոչ միայն քաղաքական գործիչների, առաջնորդների ու մեծ ընկերությունների ղեկավարների ձեռքում է, այլև այն մարդկանց, որոնք կողքինին ընկալում են որպես առանձին անհատ ու միևնույն ժամանակ իրենց չեն զատում հասարակությունից: Մենք բոլորս էլ մեկս մյուսի կարիքն ունենք»,- ասել է նա։
Ինչպես նշում է The Guardian-ը, պոնտիֆիկոսի ելույթը, որը հեռարձակվել է Վանկուվերում TED (Տեխնոլոգիա, ժամանց և դիզայն) ամենամյա համաժողովի ժամանակ, տևել է 18 րոպե: Դրա ժամանակ Պապը խոսել է ժամանակակից աշխարհի առաջ ծառացած խնդիրների՝ այդ թվում նաև փախստականների մասին: Հռոմի պապը հիշեցրել է, որ ինքը ևս ծնվել է ներգաղթյալների ընտանիքում:
Անդրադառնալով ներգաղթյալների թեմային՝ Պապն ասել է.«Ես ինքս Արգենտինայում ապաստանած իտալացի ներգաղթյալների ընտանիքից եմ սերում, ու հաճախ եմ մտորում այն մասին, որ կարող էի հայտնվել ներկայիս ներգաղթյալների ծանր կացության մեջ»:
Հռոմի պապի կարծիքով՝ ժամանակակից հասարակությունը պետք է գթասիրտ լինի ներգաղթյալների ու փախստականների հանդեպ:
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
ԱՄՆ ցամաքային զորքերի շտաբի պետը հրաժարական է տվել
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը