Հայտնի երաժշտի երկրպագուները հուղարկավորության ժամանակ բացել են դագաղն ու մերկացրել նրան համոզվելու, որ մահացել է

DJ Arafat եւ Arafat Muana բեմական կեղծանունների ներքո ելույթ ունեցած Անժա Դիդյե Խուոնի հազարավոր երկրպագուները մասնակցել են նրա հուղարկավորությանը Կոտ դ’Իվուարի Աբիջան քաղաքում, հաղորդում է 360 հեռուստաալիքը:

Արարողության ժամանակ նրանք բացել են դագաղն ու մերկացրել են երաժշտի մարմինը դաջվածքներ գտնելու համար: Երկրպագուները ցանկացել են համոզվել, որ նրանց կուռքն իսկապես մահացել է:

«Մենք ցանկանում էինք տեսնել մեր կուռքի մարմինը նախքան գերեզմանը փակելը»,-պատմել է խուլիգաններից մեկը:

Երկրպագուները շրջապատել էին գերեզմանն ու նկարահանել երաժշտին մերկացնելու գործողությունները: Լուսանկարներն ու տեսահոլովակները տարածվել են սոցիալական ցանցերում:

Ոստիկանները ցրել են նրանց բազմությանը անցունքաբեր գազի միջոցով: Մի քանի հոգի տուժել է:

Երաժշտի հարազատները պատրաստվում էին հուղարկավորությունն անցկացնել մասնավոր կարգով: Այդուհանդերձ երկրպագուները ներխուժել էին գերեզմանատուն:

Այդ արարողության նախօրեին Աբիջանի մարզադաշտում կայացել է DJ Arafat-ի հիշատակին նվիրված համերգը:

Անժ Դիդյե Խոունն ավտովթարի էր ենթարկվել օգոստոսի 12-ի լույս գիշերը: Նա մխրճվել էր իր մոտոցիկլետով ավտոմեքենայի մեջ: Արտիստին տեղափոխել էին վերականգնողական բաժանմունք, սակայն բժիշկներին չէր հաջողվել փրկել նրա կյանքը: DJ Arafat-ը 33 տարեկան էր: Նա ֆրանկոֆոն երկրներում աֆրիկյան ամենահայտնի արտիստներից էր: