Զուրաբիշվիլին մեղադրել է Ռուսաստանին «ամենօրյա սադրանքների» համար
Վրաստանի նախագահ Սալոմե Զուրաբիշվիլին Ֆրանսիայում MEDEF միջազգային համաժողովին իր ելույթի ժամանակ հայտարարել է, որ Վրաստանը պետք է նվազեցնի տնտեսական կախվածությունը Ռուսաստանից, գրում է РИА Новости-ն:
Զուրաբիշվիլիի խոսքով՝ Վրաստանը համառորեն շարժվում է դեպի Եվրոպա, այդ իսկ պատճառով երկիրը պետք է նվազագույնի հասցնի Մոսկվայի ազդեցությունը:
«Մենք պետք է առավելագույն ջանքեր գործադրենք, որպեսզի նվազեցնենք Ռուսաստանից ունեցած տնտեսական կախվածությունը, քանի որ ակնկալում ենք մեր տնտեսության մեջ ավելի շատ եվրոպական ներդրումներ, ավելի շատ եվրոպացի զբոսաշրջիկներ մեր տարածաշրջանում, մեր արտադրանքի ավելի մեծ սպառում եվրոպացիների կողմից»,- նշել է նախագահը:
Բացի այդ՝ իր ելույթի ժամանակ նա մեղադրել է Ռուսաստանին ամենօրյա սադրանքների համար:
«Ռուսաստանը խաղում է մեր նյարդերի հետ և ցանկանում է մեզ համար շրջանակներ գծել, որոնց պարագայում Վրաստանը կորցնում է իր գլխավոր նվաճումները՝ կայունությունը, ժողովրդավարությունն ու եվրոպական ուղին»,- հավելել է Զուրաբիշվիլին:
Նախօրեին Euronews-ին տված հարցազրույցում նա հայտնել էր, որ ռուսական կողմի դիրքորոշման փոփոխությունը կարող է Մոսկվայի ու Թբիլիսիի միջև շփումների վերականգնման հիմք հանդիսանալ: Նրա խոսքով՝ Ռուսաստանը պետք է հասկանա, որ երկխոսությունը չպետք է հարկադրանքների վրա կառուցվի:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...