«Պետությունը չի ապահովում Ռոբերտ Քոչարյանի գործի բնականոն ընթացքը». Արամ Օրբելյան
ՀՀ երկրորդ նախագահ Ռոբերտ Քոչարյանի շահերի պաշտպան Արամ Օրբելյանի խոսքով՝ Ռ. Քոչարյանի գործում որևէ զարգացում չկա, քանի որ դատական համակարգը տվյալ գործը չի քննում։
«Այսօր ունենք մի իրավիճակ, երբ Ռոբերտ Քոչարյանը գտնվում է անազատության մեջ, իսկ գործընթացը չի վերահսկվում որևէ դատարանի կողմից, չկա որևէ դատարան, որը կարող է ազատելու կամ չազատելու, այլընտրանքային խափանման միջոց ընտրելու վերաբերյալ որևէ որոշում ընդունել։ Ավելին՝ մենք վերաքննիչ դատարանի որոշումից հետո հայտնվել ենք մի վիճակում, երբ գործը նոր է ուղարկված դատարան, այսինքն, երբ դատարանը 15-օրյա ժամկետում պարտավոր է որոշում ընդունել, օրինակ՝ գործը կարճելու, կասեցնելու և այլ որոշումներից որևէ մեկը, մենք մինչև հիմա այդ որոշումը չունենք։
Դավիթ Գրիգորյանը կայացրել էր որոշում, որը բեկանվել էր, վերաքննիչ դատարանը պահանջել էր, որպեսզի առաջին ատյանի դատարանը գործը շարունակեր կասեցման պահից, և արդեն 1,5 ամիս է՝ որևէ զարգացում կամ գործընթաց տեղի չի ունենում։ Այս ամենն ակնհայտորեն մարդու իրավունքների խախտում է։
Անձը չի կարող գտնվել անազատության մեջ անորոշ ժամկետով՝ առանց որևէ դատական վերահսկողության հնարավորության»,- այսօր լրագրողների հետ հանդիպմանն ասաց Արամ Օրբելյանը։
Նա շեշտեց, որ բազմիցս ներկայացրել են գրավի՝ այլընտրանքային խափանման միջոց ընտրելու միջնորդություն, սակայն ներկայացրած որևէ միջնորդության անդրադարձ չի կատարվել։
Արամ Օրբելյանն արձանագրեց, որ այստեղ մեղավորը պետությունն է, որը չի ապահովում գործի բնակակոն ընթացքը։
«Դավիթ Գրիգորյանի լիազորությունները կասեցնելուց հետո պետք է տեխնիկապես լինի նոր դատարան։ Մեկ բան պարզ է, որ այսօր պետությունը Ռոբերտ Քոչարյանին չի տալիս դատական գործուն համակարգ իր իրավունքների պաշտպանության համար»,- ընդգծեց նա։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս