Չինաստանում 9-ամյա տղան դինոզավրի քարացած 11 ձու է հայտնաբերել

Չինաստանի Գուանդուն նահանգի Հեիու քաղաքում 9-ամյա տղան դինոզավրի քարացած 11 ձու է հայտնաբերել: Տեղեկացնում է Daily Mail-ը:

Աղբյուրի փոխանցմամբ՝ Հեիու քաղաքի մոտակայքում գտնվող ձորերից մեկում հորդառատ անձրևների հետևանքով սողանք է տեղի ունեցել: Ձորակում խաղացող 9-ամյա Գժան Իանչժեն 9 սմ տրամագծով ձու է հայտնաբերել: Ավելի ուշ թանգարանի աշխատողները համապատասխան աշխատանքների արդյունքում հայտնաբերել էին նման ևս 10 ձու:

Լրատվամիջոցի հավաստմամբ՝ ձվերը 66 միլիոն տարեկան են, թեև թանգարանի աշխատակիցները նշում են, որ այս հարցը լրացուցիչ ուսումնասիրություն է պահանջում: Գտածոյի հայտնաբերման վայրում հետագա պեղումները կշարունակեն հնէաբանները:

Բաժանորդագրվեք Top-News.am-ին Telegram-ում