Կինն ինքնաթիռում նոթբուքով ծեծել է ամուսնուն՝ այլ կնոջը նայելու համար (տեսանյութ)

Մայամիի միջազգային օդանավակայանում Ամերիկյան ավիաուղիների ինքնաթիռում կինը վիճել է ամուսնու հետ, այնուհետ նոթբուքով հարվածներ հասցրել ամուսնուն։ Այս մասին գրում է ABC News-ը։

Միջադեպը տեղի է ունեցել կիրակի օրը, որի տեսանյութը տարածվել է թվիթերում ու արդեն գավաքել 7մլն-ից ավել դիտում։

Նշվում է, որ, հնարավոր է, որ վեճն առաջացել է խանդի պատճառով, քանի որ տեսանյութում կինն ասում է՝ «ուզում ես նայել ուրիշ կանանց, դու չես կարող նայել այլ կանանց, չես կարող ասել, որ այլ կանանց ես նայում»։

Տեսանյութում երևում է, որ ինքնաթիռի բորտուղեկցորդուհիները փորձում են միջամտել, հանգստացնել իրավիճակը, սակայն չի ստացվում։

Զույգին հեռացրել են ինքնաթիռից։ Ոստիկանությունը հայտնել է, որ ամուսինը չի ցանկացել մեղադրանք առաջադրել կնոջը։ Ամերիկյան ավիաուղիները նոր չվերթ են տրամադրել ամուսնուն, բայց ոչ կնոջը։

Բաժանորդագրվեք Top-News.am-ին Telegram-ում