Ադրբեջանում լրագրողների՝ ՆԳՆ շենքի առջև ծրագրված բողոքի ակցիան խափանվել է

Այսօր Ադրբեջանում լրատվամիջոցների մի խումբ ներկաայցուցիչներ երկրում նշվող Մամուլի ազգային օրվա առթիվ փորձել են բողոքի ակցիա իրականացնել Ներքին գործերի նախարարաության շենքի առջև, գրում է minval.az-ը:

Նախարարության տարածած հաղորդման մեջ ասվում է, որ լրագրողներն իրենց մասնագիտական պարտականությունները կատարելու փոխարեն «այնպիսի գործողություններ են թույլ տվել, որոնք չեն տեղավորվում խոսքի, մամուլի և արտահայտման ազատության գաղափարների մեջ»:

Հաղորդվում է, որ լրագրողներն առավոտյան հավաքվել են ՆԳՆ շենքի առջև՝ համապատասխան պետական մարմինների հետ նախապես չհամաձայնեցված ակցիա իրականացնելու:

Ոստիկանները միջամտել են ակցիային, շուտով լրագրողները լքել են նախարարության շենքի տարածքը, որից հետո փորձել են համանման գործողություններ իրականացնել Մամուլի հարցերով խորհրդի շենքի առջև, սակայն ոստիկանության աշխատակիցներն այստեղ նույնպես խոչընդոտել են նրանց:

Ակցիայի մասնակիցներից մեկը բերման է ենթարկվել: Նշվում է, որ պաշտոնական զգուշացում ստանալուց հետո նա ազատ է արձակվել:

Բաժանորդագրվեք Top-News.am-ին Telegram-ում

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»